Hysbysrwydd Preifatrwydd Bathodynnau Parcio i Bobl Anabl

Sut rydym yn defnyddio eich gwybodaeth bersonol ar gyfer prosesu Bathodynnau Parcio i Bobl Anabl

Mae'r Cyngor yn darparu gwasanaethau ar gyfer cymunedau lleol a'r bobl sy'n byw ynddynt. Mae cyflawni'r gwaith hwn yn golygu bod yn rhaid i ni gasglu a defnyddio gwybodaeth am y bobl rydym yn darparu gwasanaethau iddynt ac yn cadw cofnod o'r gwasanaethau hyn. Oherwydd ein bod yn casglu ac yn defnyddio gwybodaeth am unigolion, mae'n rhaid i ni sicrhau eu bod yn gwybod beth rydym yn bwriadu ei wneud gyda'u gwybodaeth, ac â phwy y byddwn yn rhannu'r wybodaeth honno.

Rydym wedi crynhoi yn yr hysbysiad preifatrwydd hwn rai o'r prif ffyrdd y byddwn yn defnyddio'ch gwybodaeth bersonol ar gyfer prosesu eich Bathodyn Anabledd. Dylech ddarllen y wybodaeth yma mewn cysylltiad â hysbysiad preifatrwydd corfforaethol y Cyngor a gyhoeddir ar ein prif wefan www.powys.gov.uk

1. Pwy ydym ni a beth rydym yn ei wneud.

Canolfan Gyswllt y Gwasanaethau Cwsmer yw prif wasanaeth y Cyngor sy'n ymateb i gwsmeriaid. Mae'n cynnwys y rhan fwyaf o'r galwadau ffôn sy'n cyrraedd y cyngor neu'n cael eu gwneud ganddo gan gynnwys y rhai ynglŷn â Bathodynnau Anabledd. Rydym yn sicrhau ein bod yn cymryd yr holl wybodaeth angenrheidiol i drin prosesu eich cais. Gall ein gwasanaeth Llyfrgell hefyd helpu i gefnogi cwsmeriaid wrth iddynt geisio defnyddio technoleg ar gyfer ceisiadau ar-lein a chynorthwyo i gasglu tystiolaeth sydd wedyn yn cael ei basio i'r Gwasanaethau Cwsmer i ddechrau'r broses.

2. Pa wybodaeth, a gwybodaeth pwy rydym yn ei chadw?

Os yw cwsmeriaid yn dewis rhyngweithio â Gwasanaethau Cwsmer, gellir rhannu eu data personol â meysydd gwasanaeth eraill a sefydliadau ehangach yn ôl yr angen er mwyn iddynt brosesu cais y cwsmer.

Bydd y math o wybodaeth sy'n cael ei ddal a'i gofnodi yn amrywio yn ôl anghenion y galwr, ond yn nodweddiadol, mae'n cynnwys:

Manylion cyswllt megis enw, cyfeiriad eiddo, rhif ffôn, a chyfeiriad e-bost.
Manylion adnabod, gan gynnwys dyddiad geni a rhif yswiriant gwladol.
Gwybodaeth ariannol, gan gynnwys Budd-daliadau a dderbynnir,
Gwybodaeth deuluol, gan gynnwys oed, dibynyddion, statws priodasol.
Gwybodaeth am iechyd a manylion meddygol yr unigolyn.

3. O ble caiff y gwasanaeth fy ngwybodaeth?

Gall ffynonellau'r wybodaeth bersonol a ddarperir i neu gan y Gwasanaethau Cwsmer gynnwys:

Gwybodaeth a ddarperir yn uniongyrchol gan yr unigolyn
Gwybodaeth a ddarperir gan aelod o'r teulu neu aelod arall o'r cyhoedd (e.e. trwy ymholiadau/adroddiadau am bryder)
Gwybodaeth a ddarperir gan Cynghorydd etholedig ar ran aelod o'i etholaeth.
Gwybodaeth a ddarperir gan swyddogion/gwasanaethau eraill y Cyngor sy'n cysylltu â'r Ganolfan Gyswllt er lles y cwsmeriaid, neu'r Cyngor ei hun e.e. Gorfodi, gofal cymdeithasol
Gwybodaeth a ddarperir gan sefydliadau eraill (e.e. gwasanaethau brys, bwrdd iechyd) ynghylch unigolyn.

Yn dod yn fuan - Byddwn yn gallu gwirio eich dogfennau adran gwaith a phensiynau (e.e. cyfradd Uwch). Bydd hyn yn golygu na fyddai angen i chi ddarparu copi caled yn dystiolaeth.

4. Beth fyddwn i'n ei wneud gyda'ch gwybodaeth bersonol?

Gellir defnyddio gwybodaeth a gedwir mewn gysylltiad â Bathodyn Anabledd yn y ffyrdd canlynol:

Gall y cwsmer wneud cais ar-lein trwy ein gwefan a chael ei gyfeirio at wefan Gov.uk i lenwi'r ffurflen, gan gael cyfle i atodi tystiolaeth a chwblhau'r cais yn llawn.
Gellir llenwi ffurflen Gais yn uniongyrchol o www.gov.uk/apply-blue-badge a bydd yr adran yn gallu gweithredu ar hon.
Gall yr adran dderbyn ffurflen gais neu ymholiadau trwy sawl dull. Gallai hyn gynnwys dros y ffôn, lle mae'r cynghorydd yn cynorthwyo'r galwr i fynd trwy'r ffurflen, ac yna'n ei hargraffu a'i llofnodi a'i dychwelyd ynghyd â'r dystiolaeth.

Gall y galwr fynd i'r Llyfrgell a chodi copi caled o'r ffurflen, ei llenwi, a'i hanfon yn ôl gyda'r dystiolaeth, a gall y llyfrgell ddilysu'r holl ddogfennau. Pan gaiff y wybodaeth ei derbyn, bydd yn cael ei mewnbynnu i'n system, a gellir ei gynnwys dan sawl categori, e.e. Cymwysedig yn Awtomatig, (e.e. Lwfans Byw i'r Anabl - cyfradd Uwch) neu ei wirio yn erbyn ein cofnodion gofal cymdeithasol er mwyn gweld tystiolaeth oddi wrth weithiwr proffesiynol neu ei atgyfeirio i'r gwasanaeth Meddygon Teulu.
Yr Adran Drafnidiaeth sy'n goruchwylio'r Broses Bathodynnau Glas

Mae Valtec Ltd wedi'u contractio i brosesu bathodynnau glas, yn barod i'w hargraffu.

5. Beth yw'r sail gyfreithiol ar gyfer defnyddio'r wybodaeth hon?

Rhwymedigaethau Cyfreithiol - gan ddefnyddio'r wybodaeth i gydymffurfio â rhwymedigaeth cyfraith gyffredin neu statudol
Tasgau cyhoeddus - ymarfer 'awdurdod swyddogol' a phwerau sydd wedi'u diffinio yn y gyfraith; neu cyflawni tasg benodol er budd y cyhoedd sydd wedi'i diffinio yn y gyfraith.

Gallai enghreifftiau ar gyfer y ddwy sail uchod gynnwys e.e. Sicrhau ein bod yn cadw at ddeddfwriaeth Llywodraeth Cymru, sut y mae ein prosesu'n cael ei reoli, a storio data a sicrhau bod Twyll yn cael ei atal a'i ddatgelu.

6. A yw'r gwasanaeth yn rhannu fy ngwybodaeth bersonol ag unrhyw sefydliad arall?

Er bod modd rhannu'r wybodaeth a gasglwyd yn ystod yr alwad/y prosesu gyda gwasanaethau eraill y Cyngor neu sefydliadau allanoli gynorthwyo i ddatrys ymholiad yr unigolyn, bydd yn aros yn gyfrinachol ac ni fydd yn cael ei rhannu ond gyda'r canlynol, lle mae cyfiawnhad i'r rheswm dros rannu:

Gwasanaethau eraill y cyngor sy'n gweithio gyda'r Ganolfan Gyswllt, gyda'r bwriad o gynorthwyo i ddatrys anghydfod neu gwyn, e.e. Gofal Cymdeithasol, gorfodi.
Yr heddlu, i gynorthwyo i ddatrys materion troseddol.
Sefydliadau eraill sy'n ymwneud â gofal am yr unigolyn (h.y. Gwasanaethau Cymdeithasol/gweithwyr proffesiynol gofal Iechyd, Meddygon Teulu ac ati)
Cynghorau eraill i wirio cofnodion a sicrhau nad oes dyblygu, ymholiadau ar ardaloedd ar y ffin
Contractir Valtec Ltd i brosesu'r bathodyn glas, yn barod i'w argraffu.
Adran dwyll NFI

7. Am ba hyd y cedwir fy ngwybodaeth?

Distrywir ffurflenni Cais Copi Caled ar ôl 3 mis o ddyddiad eu prosesu.

Bydd ceisiadau a thystiolaeth ar-lein yn cael eu dileu o'r system pan fydd y Bathodyn Anabledd wedi'i anfon. Os ydym yn aros am ragor o dystiolaeth, byddwn yn caniatáu 10 diwrnod cyn dileu'r cais.

Os gwrthodir y cais cychwynnol, byddwn yn cysylltu â'r cwsmer ac yn ei gadw am fis, i ganiatáu i ragor o dystiolaeth ein cyrraedd i ategu'r wybodaeth. Os nad yw hyn yn ddigon, caiff ei ddileu o'r system.

8. Eich gwybodaeth, eich hawliau

Mae' r Rheoliad Cyffredinol ar Ddiogelu Data (GDPR) yn rhoi hawliau i chi, gan gynnwys yr hawl i gael mynediad i'r wybodaeth bersonol sydd gan y gwasanaethau amdanoch chi. Cysylltwch â'r cyngor os oes angen rhagor o fanylion arnoch.

9. Cysylltwch â ni

Os oes gennych unrhyw bryderon neu os hoffech chi wybod mwy ynglŷn â'r modd y mae'r ganolfan gyswllt yn defnyddio'ch gwybodaeth bersonol, cysylltwch â ni trwy un o'r ffyrdd canlynol:

Neges e-bost: customerservices@powys.gov.uk

Trwy lythyr: Rheolwr Gwasanaethau Cwsmer Mrs Kelly Watts