Mae Dechrau'n Deg yn rhaglen i deuluoedd â phlant rhwng 0 a 4 mlwydd oed sy'n cynnig:
gofal plant rhan-amser, wedi'i ariannu o safon uchel am ddim i blant 2-3 oed
rhaglenni rhianta am ddim
mwy o wasanaeth gan Ymwelwyr Iechyd
cymorth iaith a lleferydd
Mae Dechrau'n Deg wedi'i dargedu at godau post penodol ar draws Powys.Darganfyddwch a ydych yn gymwys trwy ddefnyddio ein gwiriwr cod post hawdd isod
Cyflwyno Dechrau'n Deg
Mae Dechrau'n Deg yn cynnwys pedair elfen graidd - gofal plant o safon uchel, wedi'i ariannu, cymorth i'r teulu trwy raglenni'r Blynyddoedd Rhyfeddol, mwy o wasanaeth gan yr Ymwelydd Iechyd, a chymorth ar gyfer datblygu iaith yn y blynyddoedd cynnar.
Gofal plant rhan-amser o safon uchel wedi'i ariannui blant 2-3 oed
Mae Dechrau'n Deg yn cynnig gofal plant o safon i rieni pob plentyn 2-3 blwydd oed sy'n gymwys am 2 a hanner awr y diwrnod, 5 diwrnod yr wythnos am 39 wythnos y flwyddyn ac o leiaf 15 sesiwn o ddarpariaeth ar gyfer y teulu yn ystod y gwyliau ysgol.
Mynediad at Raglenni Rhianta
Nod tîm rhianta Dechrau'n Deg yw gweithio mewn partneriaeth â theuluoedd.
Mae amrywiaeth o gymorth rhianta ar gael ym Mhowys, gan gynnwys cymorth a grwpiau 1:1, drwy dimau fel Cymorth Cynnar ym Mhowys. Mae hyn yn eich cefnogi i gael y gorau allan o'ch perthynas â'ch plentyn.
Dod yn rhiant yw un o'r pethau mwyaf heriol y byddwch yn ei wneud erioed, mae cael y wybodaeth a'r gefnogaeth gywir yn hanfodol i ddechrau da.
Mae'r grwpiau'n hyrwyddo dysgu rhieni gyda'i gilydd ac yn rhannu profiadau.
Byddwch yn derbyn gwasanaeth uwch gan ymwelwyr iechyd gydag Ymwelydd Iechyd Dechrau'n Deg pwrpasol, a fydd yn cyflwyno negeseuon allweddol i gefnogi iechyd a llesiant cadarnhaol i rieni a phlant. Bydd gweithdai a grwpiau yn cael eu rhedeg gan y tîm Ymwelwyr Iechyd fel diddyfnu, hyfforddiant toiledau a thylino babanod.
I gael gwybod mwy, siaradwch â'ch ymwelydd iechyd yn ystod eich apwyntiad nesaf.
Iaith, Lleferydd a Chyfathrebu
Mynychwch y grwpiau 'Gadewch i Ni Siarad' sy'n hwyl ac yn eich cysylltu ag eraill. Mae'r grwpiau'n addas o 3 mis, a byddant yn rhoi syniadau i chi ynghylch sut i helpu eich plentyn gyda'i iaith a'i gyfathrebu neu ewch i Sesiwn Galw Heibio i ofyn am gyngor os oes gennych bryderon am iaith a lleferydd eich plentyn.
Mae'r Gwasanaeth Therapi Iaith a Lleferydd Plant yn darparu asesiad a thriniaeth arbenigol i blant a allai, am amrywiaeth o resymau, fod yn cael anawsterau cyfathrebu, gwneir hyn ar sail atgyfeiriad. Cysylltwch â Thîm Iaith a Lleferydd Bwrdd Iechyd Addysgu Powys am fwy o wybodaeth: powys.salt@wales.nhs.uk
Rheolwyr Cymunedol Dechrau'n Deg
Yn ychwanegol at y pedair elfen graidd, mae gan deuluoedd Dechrau'n Deg yn y Trallwng, y Drenewydd, Llandrindod, Aberhonddu ac Ystradgynlais fynediad at reolwr cymunedol dynodedig. Rôl y rheolwyr cymunedol yw gwneud yn siŵr eu bod ar gael i wrando ar anghenion y gymuned a gweithio gyda phobl a gwasanaethau allweddol i helpu i ymateb i'r anghenion hynny.
Drwy gyfrwng ein rheolwyr cymunedol hefyd yr ydym yn cynnal digwyddiadau a gweithgareddau neu'n gweithio gyda phartneriaid i ddod â digwyddiadau i'r gymuned.
Ein nod yw helpu i sicrhau bod eich profiad o fod yn aelod o gymuned Dechrau'n Deg yn un cadarnhaol ac yn rhoi boddhad.
Fel rhan o ymrwymiad Llywodraeth Cymru i ehangu Dechrau'n Deg i fwy o deuluoedd ledled Cymru, mae'n bleser gennym gyhoeddi bod mwy o deuluoedd sy'n byw ym Mhowys yn gallu elwa ar 12 ½ o ofal plant o ansawdd uchel wedi'i ariannu bob wythnos yn un o'n darparwyr Dechrau'n Deg cymeradwy.
Gwiriwch eich cod post i weld pa elfennau o'r Rhaglen Dechrau'n Deg rydych chi'n gymwys i'w derbyn
