Dewisiadau cwcis
Toglo gwelededd dewislen symudol

Gweld yr hysbysiad llawn

Rhybudd: Er bod amodau'r tywydd yn parhau'n oer, byddwn yn graeanu'r prif ffyrdd a llwybrau ledled Powys yn ôl yr angen.

Diweddariad Storm Goretti

Mae cynlluniau parhad busnes yn cael eu diweddaru ac ar waith. Byddwn yn rhoi gwybod am unrhyw newidiadau mawr i wasanaethau neu os bydd rhaid cau gwasanaethau drwy'r cyfryngau cymdeithasol, y wefan a'r tîm gwasanaethau cwsmer.

 

Lles cymunedol 

(canolfannau hamdden a chwaraeon, llyfrgelloedd, amgueddfeydd, archifau)

Mae llyfrgelloedd Tref-y-clawdd a Chrughywel ar gau ddydd Gwener 9 Ionawr. Mae'r holl wasanaethau eraill ar agor ac ar hyn o bryd yn gweithredu fel arfer. Mae unrhyw benderfyniadau i gau yn cael eu gwneud yn lleol. Cynghorir preswylwyr i ffonio ymlaen llaw i wirio eu bod ar agor cyn teithio.

 

Gwasanaethau cwsmer

(canolfan gyswllt, derbynfeydd a gwasanaethau tu allan i oriau swyddfa)

Mae staff y ganolfan gyswllt wedi cynnig gweithio oriau ychwanegol i sicrhau y bydd galwadau'n cael eu hateb.

Mae gan Delta Wellbeing (gwasanaeth y tu allan i oriau swyddfa) staff ychwanegol yn gweithio i helpu gydag unrhyw gynnydd posibl mewn ceisiadau.

Nid oes unrhyw gynlluniau ar hyn o bryd i gau unrhyw bwyntiau gwasanaethau cwsmer wyneb yn wyneb.

Os oes angen i chi gysylltu â ni am argyfwng pan fydd y swyddfa ar gau (ar ôl 5pm, ar y penwythnos neu ar ŵyl y banc), gallwch ddefnyddio'r ffurflen ar-lein ar wefan  Delta Wellbeing neu ffonio 01597 827005 neu 0345 0544 847

Ffoniwch 01597 827464 am atgyweiriadau brys ar gyfer tai cyngor neu argyfyngau digartrefedd

Ar gyfer argyfyngau sy'n peryglu bywyd, ffoniwch 999

 

Gwasanaethau Plant

Bydd pob plentyn bregus yn cael ei gefnogi, a bydd ymweliadau diogelu hanfodol yn parhau fel y'i cynlluniwyd.

Mae trefniadau wedi'u gwneud i ddefnyddio cerbydau 4x4 ar gyfer ymweliadau os oes angen.

Bydd Canolfannau Amser i Deuluoedd a Chanolfannau Teulu yn y Trallwng a'r Drenewydd ar gau ddydd Gwener 9 Ionawr.

Bydd y canolfannau teuluol eraill yn parhau i fod ar agor ar gyfer cymorth a bwyd.

 

Gwasanaethau Oedolion

Bydd yr holl wasanaethau hanfodol ac ymweliadau ar gyfer defnyddwyr gwasanaeth mwyaf bregus yn parhau.

Mae gan staff Powys a darparwyr trydydd parti gynlluniau wrth gefn ar waith i sicrhau bod gwasanaethau'n parhau.

Mae trefniadau wedi'u gwneud i ddefnyddio cerbydau 4x4 ar gyfer ymweliadau os oes angen.

Bydd gwasanaethau dydd a chanolfannau dydd ar gau ddydd Gwener 9 Ionawr.

 

Priffyrdd

Roedd neithiwr yn noson brysur.

Roedd y fflyd lawn allan ar batrôl, yn aredig yr eira a thrin y llwybrau blaenoriaeth trwy gydol y nos. Roedd yr amodau yng nghanol a gogledd y sir yn arbennig o heriol, gyda cheir yn sownd, damweiniau, coed wedi cwympo a llinellau pŵer yn achosi problemau.

Y bore yma (dydd Gwener 9 Ionawr) roedd criwiau yn ôl allan yn clirio a thrin y prif lwybrau o 8am a byddant yn symud ymlaen i lwybrau eilaidd o 10:30am.

Mae llawer o'r coed a oedd wedi cwympo eisoes wedi'u clirio ac rydym yn gweithio i wneud yn siwr bod unrhyw goed sy'n weddill yn cael eu symud cyn gynted â phosibl.

Tra bod y tywydd yn parhau i fod yn oer, byddwch yn ofalus pan fyddwch y tu allan, gadewch ddigon o amser ychwanegol ar gyfer teithiau a chymerwch sylw o unrhyw gyngor a roddir gan y Swyddfa Dywydd, yr heddlu neu'r cyngor.

Darganfyddwch fwy am sut rydym yn trin ffyrdd yn ystod y gaeaf yma: Trafnidiaeth a theithio

 

Gwastraff ac ailgylchu

Os yw'n ddiogel, bydd casgliadau'n parhau. Fodd bynnag, rydym yn disgwyl anawsterau cyrraedd mwy o ardaloedd gwledig oherwydd y tywydd a chyflwr y ffyrdd. Cynghorir preswylwyr i wirio ar-lein am unrhyw newidiadau i gasgliadau: https://cy.powys.gov.uk/diwrnodcasglubiniau

Dim ond os yw cyflwr y ffyrdd yn caniatáu y bydd Canolfannau Ailgylchu Gwastraff Cartrefi'n agor. Bydd diweddariadau ar gael ar-lein ac ar y cyfryngau cymdeithasol.Bydd unrhyw breswylwyr sydd ag apwyntiad yn cael gwybod drwy e-bost os yw'r Ganolfan ar gau.

Bydd Canolfannau Ailgylchu Gwastraff Cartrefi y Trallwng a Llandrindod ar gau heddiw (dydd Gwener 9 Ionawr).

Os oes gennych apwyntiad wedi'i archebu, byddwn yn anfon e-bost atoch i gadarnhau bod y ganolfan ar gau. Ni ellir archebu rhagor o apwyntiadau ar gyfer safleoedd heddiw (dydd Gwener 9 Ionawr) ar-lein neu dros y ffôn. Cyn belled ag y bo'r amodau'n caniatáu, rydym yn bwriadu ailagor pob Canolfan Ailgylchu Gwastraff Cartrefi yfory (dydd Sadwrn 10 Ionawr).

 

Ysgolion a chludiant ysgol

Ni fydd cludiant ysgol ar gael ar ddydd Gwener 9 Ionawr.

Oherwydd natur y rhybudd tywydd ambr a'r cyngor i osgoi teithio diangen, mae'r penderfyniad wedi'i wneud i atal yr holl gludiant ysgol yfory, dydd Gwener 9 Ionawr.

Bydd ysgolion yn penderfynu a ddylid cau ar lefel leol. Gallwch weld unrhyw ysgolion sy'n penderfynu cau ar-lein yma: https://cy.powys.gov.uk/ysgolionargau

 

Trafnidiaeth gyhoeddus

Rydym yn disgwyl tarfu ar wasanaethau bysiau. Cynghorir teithwyr i wirio trefniadau Traveline Cymru a chwmniau bysiau lleol am y newyddion diweddaraf am wasanaethau cyn teithio.

Os yw'r tywydd yn arbennig o ddifrifol, rydym yn argymell yn gryf osgoi teithio diangen.

 

Staff 

Lle bo'n bosibl, dylai staff weithio gartref a pheidio â gwneud teithiau diangen. Bydd staff rheng flaen yn cael eu cefnogi i gyflawni eu rolau mor ddiogel â phosibl.

 

Dolenni defnyddiol isod

Rhannu'r dudalen hon

Eicon Facebook Eicon Twitter Eicon e-bost

Argraffu

Eicon argraffu