Cyngor i Fusnesau ar Iechyd a Diogelwch
Mae Tîm Bwyd a Masnach Iechyd yr Amgylchedd yn gyfrifol am orfodi rheoliadau iechyd a diogelwch mewn eiddo megis y canlynol:
- Siopau a swyddfeydd.
- Gwestai a chyfleusterau hamdden.
- Warysau
- Masnachwyr adeiladu.
- Masnachwyr dur.
- Cartrefi preswyl.
Caiff y cyfrifoldeb ei rhannu gydag Awdurdod Gweithredol Iechyd a Diogelwch, y Llywodraeth sy'n gyfrifol am archwilio diwydiannau gwneuthuro, adeiladu ac amaethyddiaeth.
Tasg ein tîm yw sicrhau fod pob cyflogwr, gweithiwr a phobl hunangyflogedig yn deall ac yn cydymffurfio â Deddf Iechyd a Diogelwch yn y Gweithle 1974 a deddfwriaeth gysylltiedig.
Cyngor
Rydym yn ymchwilio i ddamweiniau a hefyd yn rhoi cyngor ar sut i atal damweiniau. Mae dyletswydd ar gyflogwyr, y rhai hunan-gyflogedig a phobl sy'n rheoli safleoedd gwaith (y person cyfrifol) i roi gwybod i'r awdurdod gorfodi am unrhyw ddamweiniau difrifol yn y gweithle. Mae hyn yn cynnwys afiechydon galwedigaethol a digwyddiadau peryglus penodol (rhai fu bron a digwydd).
Mae rhagor o wybodaeth ar sut i roi gwybod am ddamweiniau yn y gwaith ar wefan yr Awdurdod Gweithredol Iechyd a Diogelwch. Gallwch ddod i wybod am y mathau o ddamweiniau y dylid rhoi gwybod amdanynt a sut i wneud hyn.
Mae gwefan yr Awdurdod Gweithredol Iechyd a Diogelwch yn darparu cyngor cynhwysfawr iawn ar bob agwedd ar Iechyd a Diogelwch.
Os ydych eisiau gwneud cwyn am fater iechyd a diogelwch, mae croeso i chi gysylltu â'n tîm.
Mae pob cwyn am iechyd, diogelwch, lles neu amodau gweithio yn cael eu harchwilio'n gyfrinachol. Byddwn yn trafod y gwyn a gallwn gynghori am unrhyw gamau gweithredu i'w cymryd.
Contacts
Feedback about a page here
Rhannu'r dudalen hon
Argraffu
