Powys Gynaliadwy

Mae darparu gwasanaethau llywodraeth leol gwerthfawr wrth wraidd popeth a wnawn. Fodd bynnag, nid yw cyngor y gorffennol yn ariannol gynaliadwy. Rydym yn wynebu sefyllfa argyfyngus oherwydd problemau cenedlaethol a rhyngwladol y tu hwnt i'n rheolaeth, felly mae'n rhaid i ni newid yn sylfaenol y ffordd rydym yn darparu gwasanaethau.

Rydym yn cydnabod yr heriau hyn, a rhaid i ni weithio mewn partneriaeth i archwilio'r cyfleoedd i wneud y newidiadau sydd eu hangen i ddarparu gwasanaethau cyhoeddus o ansawdd ar gyfer y dyfodol.

Rydym yn datblygu dull o newid y ffordd rydym yn gweithio, sef Powys Gynaliadwy.

Mae Powys Gynaliadwy yn adolygu pa wasanaethau a ddarperir gennym a sut y cânt eu darparu i ddiwallu anghenion presennol ac anghenion y dyfodol.

Mae Powys Gynaliadwy yn ymwneud â chydweithio i:

• Ddylunio dyfodol i'n hawdurdod lleol sy'n darparu gwasanaethau cryfach, tecach a gwyrddach tra'n aros o fewn y gyllideb sydd ar gael.
• Adeiladu cydnerthedd fel y gall atebion wedi'u harwain gan y gymuned helpu i ddiwallu'r hyn sydd ei angen yn lleol.

Pe baem yn cadw ein gwasanaethau yn union fel y maent ar hyn o bryd, heb wneud unrhyw newidiadau, erbyn 2029 byddant yn costio o leiaf £51m yn fwy nag y maent heddiw. Byddai angen i'ch treth y cyngor gynyddu bron i 60% er mwyn diwallu'r costau cynyddol hyn.

Ni all hyn ddigwydd!  Felly, rhaid i ni wneud newidiadau i'r ffordd rydym yn darparu gwasanaethau.