Pwy sy'n ymrwymo i weithredu?

Nod Cytundeb Paris a arwyddwyd gan 194 o Wledydd yn 2016 oedd cadw newid hinsawdd hyd at lefel sydd "ymhell o dan" 2 radd o gynhesu a 1.5 gradd o ddewis.

Nod llywodraeth y DU yw anelu at sero-net erbyn 2050 ac ym mis Rhagfyr 2020, roedd y llywodraeth wedi addo gostyngiad o 68% hefyd o fewn degawd.  

Targed y Pwyllgor dros Newid Hinsawdd i Gymru oedd gostyngiad o 95% mewn allyriadau nwyon tŷ gwydr erbyn 2050. Yn 2019, roedd llywodraeth Cymru wedi cael hyn fel targed ac wedi cael yr uchelgais o fod yn sero-net erbyn 2050. Ar ddiwedd 2020, roedd y Pwyllgor ar Newid Hinsawdd wedi cynhyrchu ei adroddiad bob dwy flynedd yn argymell y dylid cynyddu targed Cymru i sero-net.

Mae nifer o fewn y sector preifat yn anelu tuag at sero-net erbyn 2040, trwy fentrau megis yr addewid hinsawdd a mission possible.   

Mae'r Cyngor Partneriaeth dros Gymru, gan gynnwys Llywodraeth Cymru wedi ymrwymo i gyflawni sector cyhoeddus sy'n garbon niwtral erbyn 2030.

Mae dros ddeg ar hugain o noddwyr y trydydd sector wedi addo i fynd i'r afael â newid hinsawdd.

Mae Powys yn cynnal amrywiaeth eang o grwpiau cymunedol sy'n gweithredu ar Newid Hinsawdd. Mae enghreifftiau yn cynnwys Aberhonddu, Llanfair-ym-Muallt, Llandrindod, Llanidloes, Machynlleth, Grŵp Ynni Trefaldwyn, Y Drenewydd, Llanandras.

Cyngor Tref Machynlleth oedd y cyntaf yng Nghymru i ddatgan Argyfwng Hinsawdd.

Cynhaliwyd un o'r cyrsiau meistr cyntaf ar gynaliadwyedd a phrosiect Carbon Sero Prydain yng Nghanolfan y Dechnoleg Amgen. Hyd yn oed pan mae'r ganolfan ar gau, gallwch edrych ar weminarau'r gorffennol. 
 

Pwy sy'n gweithredu ar newid hinsawdd?

• Yn rhyngwladol mae nifer o wledydd yn edrych am Adferiad Gwyrdd o Covid fel yr oedd Y Cenhedloedd Unedig wedi'i awgrymu. Gan gynnwys cynllun adferiad €1.8 triliwn yr Undeb Ewropeaidd.
• Mae'r DU wedi ymrwymo i gynllun deg pwynt ar gyfer Chwyldro Diwydiannol Gwyrdd  ac wedi cyhoeddi Papur Gwyn ar Ynni ym mis Rhagfyr 2020.
• Mae Llywodraeth Cymru wedi lansio "Ffyniant i bawb: Cymru Carbon Isel" yn 2019. Yng nghanol 2020, roeddynt wedi cyhoeddi  ffeithlun ar gynnydd wrth allyriadau Nwyon Tŷ Gwydr yng Nghymru.
• Gwnaeth Llywodraeth Cymru lansio ei hail gynllun lleihau allyriadau Cymru Sero Net Cyllideb Garbon 2 (2021 i 25) yn 2021. I fynd gyda'r cynllun lleihau allyriadau gwnaethant hefyd gyhoeddi ffeithlun gan rannu'r daith y bydd Cyllideb Carbon 2021-25 yn anelu at ei chyflawni er mwyn gosod Cymru ar Lwybr ar gyfer Sero Net.
• Cymru oedd y wlad gyntaf i sefydlu Nodau Datblygiad Cynaliadwy'r Cenhedloedd Unedig o fewn deddfwriaeth genedlaethol sef Deddf Llesiant Cenedlaethau'r Dyfodol (2015).  Mae adroddiad Cenedlaethau'r Dyfodol (2020) yn amlinellu'r cynigion diweddaraf.