Eiddo nad yw'n addas byw ynddo
Eiddo sy'n anaddas i fyw ynddynt (Adnewyddu tŷ/fflat neu drosi ysgubor / fferm)
Bydd yr esemptiad yn berthnasol i eiddo na ellir byw ynddo am uchafswm o 12 mis. Ar ôl i'r esemptiad hwn ddod i ben, gall premiwm treth gyngor fod yn berthnasol.
Rhaid i'r eiddo fod yn y broses o gael ei atgyweirio neu fod angen gwaith atgyweirio mawr arno i'w wneud yn lle y gellir byw ynddo neu fod angen neu yn y broses o gyflawni newid strwythurol. Gall Swyddog Ymweld archwilio'r eiddo cyn y gellir dyfarnu'r esemptiad.
Newid Strwythurol
Rhaid i hyn gynnwys newid yr annedd mewn rhyw ffordd ffisegol o'r hyn yr oedd i rywbeth gwahanol.
Er enghraifft, ail-leoli waliau mewnol ac ychwanegu estyniad sy'n cynnwys bwrw trwy waliau allanol.
Gwaith Atgyweirio Mawr
Rhaid i'r gwaith atgyweirio fod yn ofynnol i wneud yr eiddo yn lle y gellir byw ynddo, a bydd maint yr atgyweiriadau hynny yn penderfynu a ydynt yn cael eu hystyried yn 'fawr'.
Fel arfer, ystyrir bod atgyweiriadau mawr yn rhai sy'n effeithio ar ffabrig yr eiddo, gan gynnwys (ond heb fod yn gyfyngedig i):
- Atgyweiriadau mawr i'r to neu wal allanol
- Ailadeiladu cyrn simdde diffygiol
- Gwaith sylfaen a gwaith sy'n ymwneud â waliau cynnal
- Difrod tân neu lifogydd mawr
- Atgyweiriadau mawr i loriau a distiau
- Annedd sydd wedi'i fwrw nôl i'w gragen gan gynnwys tynnu'r rhan fwyaf o waliau mewnol (Nid Waliau Postyn Pared / Pared)
Byddwn yn edrych ar a oedd angen gwaith atgyweirio mawr ar yr eiddo cyn dechrau'r gwaith yn hytrach nag o ganlyniad i'r gwaith.
Os yw eiddo, er enghraifft, yn dod yn lle na ellir byw ynddo oherwydd bod yr ystafell ymolchi a'r gegin wedi'u tynnu i gael rhai newydd, ni fyddai hyn yn golygu bod angen 'atgyweirio', felly nid yw'r eiddo yn cael ei ystyried yn lle na ellir byw ynddo.
Tystiolaeth ddogfennol sy'n ofynnol i gefnogi'r cais (ond heb fod yn gyfyngedig i)
- Amserlen y gwaith sy'n dangos yr holl waith y disgwylir ei gwblhau (nid dyfynbris). Rhaid iddo ddangos tystiolaeth glir bod y gwaith wedi / neu y disgwylir iddo gael ei wneud.
- Rhaid iddo hefyd fod yn amserlen y gwaith a ddarperir gan yr adeiladwr a fydd yn ymgymryd â'r gwaith neu sydd wedi cwblhau'r gwaith.
- Adroddiad syrfewyr. Dylai adroddiad y syrfewyr, ar y cyd ag amserlen y gwaith, ddangos tystiolaeth bod angen gwaith atgyweirio mawr neu waith newidiadau strwythurol i wneud yr annedd yn addas i'r diben.
- Derbynebau ar gyfer yr holl waith a wnaed neu i'w wneud os ydych yn ymgymryd â'r gwaith eich hun
- Unrhyw rif cais cynllunio
- Unrhyw rif cais rheoli adeiladu ynghyd ag enw'r swyddog rheoli adeiladu a manylion cyswllt
- Ffotograffau
Eiddo heb ddodrefns
Os nad yw eiddo wedi'i ddodrefnu, yna gall fod yn esempt rhag y Dreth Gyngor am hyd at 6 mis.
Ar ôl i'r esemptiad hwn ddod i ben, bydd yr eiddo yn atebol am y tâl treth gyngor llawn. Os yw'r eiddo yn parhau heb ei feddiannu ac heb ei ddodrefnu am gyfnod parhaus o flwyddyn, gall premiwm treth gyngor fod yn berthnasol.
Mae'r esemptiad hwn ar gyfer eiddo sydd 'heb ei feddiannu ac heb ei ddodrefnu'. Ni ddylai fod dodrefn ar wahân i nwyddau gwyn a ffitiadau (megis cypyrddau dillad adeiledig).
Mae'r esemptiad yn para am ddim mwy na 6 mis.
Mae'r esemptiad yn dechrau o'r dyddiad y mae'r eiddo yn dod heb ei feddiannu ac heb ei ddodrefnu.
Ar ôl y dyfarniad
Byddwn yn archwilio'r eiddo ar ôl dyfarnu'r esemptiad. Os oes unrhyw eitemau o ddodrefn, bydd yr esemptiad yn cael ei dynnu.
Ar ddiwedd y cyfnod esempt mae tâl o 100% yn daladwy am 6 mis. Ar ôl hyn, bydd Premiwm Treth Gyngor o 100% yn cael ei gymhwyso ar ben y gyfradd safonol o 100%. Mae hyn yn golygu y byddwch yn talu 200% o'r Dreth Gyngor os yw'r eiddo yn parhau heb ei feddiannu.
Os bydd yr eiddo yn newid dwylo yn ystod y cyfnod esempt, dim ond gweddill y cyfnod esempt sydd gan y trethdalwr cyngor newydd hawl iddo.
Gwneud cais i gael eiddo wedi'i eithrio o Dreth y Cyngor yma Hawlio Eithriad
Eiddo wedi'i ddifrodi llifogydd neu sy'n anniogel
Os yw eich eiddo wedi'i ddifrodi neu'n anniogel, efallai y cewch chi ostyngiad yn Nhreth y Cyngor. Byddai hynny'n digwydd trwy gynllun arbennig 'Adran 13a' y mae Cyngor Sir Powys wedi'i sefydlu lle bydd yn ystyried y sefyllfaoedd a ganlyn:
- Eiddo sy'n dioddef difrod tân
- Eiddo dan ddŵr gan gynnwys difrod storm
- Eiddo sy'n anniogel yn sgîl nwy neu olew yn gollwng neu ymsuddiant.
Rhagor o wybodaeth am y cynllun yma a sut i wneud cais Treth y Cyngor: Fframwaith Disgownt Lleol (Adran 13A)
