Cofiwch ailgylchu dros Nadolig
19 Rhagfyr 2022
Gyda'r Nadolig ar ein gwarthaf, mae Tîm Gwastraff ac Ailgylchu Cyngor Sir Powys yn atgoffa pobl i ailgylchu gymaint â phosibl dros y Nadolig a'r Flwyddyn Newydd.
Meddai'r Cynghorydd Jackie Charlton, Aelod Cabinet ar gyfer Powys Wyrddach: "Mae'r Nadolig yn adeg prysur i bawb, ond mae'n bwysig cofio ailgylchu gymaint â phosibl dros yr Ŵyl.
"Mae pawb yn creu llawer mwy o sbwriel na'r arfer dros y Nadolig, ond mae'n bosibl ailgylchu'r rhan fwyaf ohono - o ffoil, bwyd, jariau a photeli gwydr i goed Nadolig go iawn, cardiau Nadolig plaen, papur lapio plaen, batris, poteli plastig, cartonau Tetra Pak a llawer mwy.
"Bydd ein criwiau'n gweithio dros y gwyliau gyda'r casgliadau wythnosol arferol yn digwydd ddiwrnod yn hwyrach na'r arfer dros wythnos y Nadolig ac yna fel arfer dros y Flwyddyn Newydd, felly cofiwch roi'r blychau allan i'w casglu.
"Eleni rydym yn annog pawb i wneud yn fawr o'r gwasanaeth casglu wythnosol ac i gofio na allwn dderbyn gwydr mwyach yn y safleoedd ailgylchu cymunedol. Peidiwch â gadael poteli na jariau wrth y safleoedd hynny lle mae'r banciau ailgylchu gwydr wedi cael eu symud. Nid yn unig y mae'n edrych yn hyll ond mae hefyd yn beryglus i eraill sy'n defnyddio'r safle.
"Dylech ailgylchu eich gwydr adref yn eich blwch ailgylchu gwyrdd."
Os yw'n dipyn o ymdrech i fasnachwyr megis tafarnau, caffis a bwytai i ymdopi gyda'r holl wydr dros y Nadolig, rhowch alwad i'r tîm ailgylchu masnachol i drafod eich opsiynau.
Gwefan: Ailgylchu Masnachol
E-bost: commercial.recycling@powys.gov.uk
Ffôn: 01597 810829
Rhannu'r dudalen hon
Argraffu
