Gwirfoddolwyr yn derbyn gwobrau Barcud Arian gan y Cadeirydd

21 Rhagfyr 2022

Mae'r cyngor sir wedi cydnabod ymdrechion nifer o wirfoddolwyr o Bowys sydd wedi gwneud gwahaniaeth aruthrol o fewn eu cymunedau.

Yn y Ffair Aeaf eleni ar Faes y Sioe yn Llanelwedd, cynhaliodd Cyngor Sir Powys dderbyniad Gwirfoddoli ym Mhowys.

Fel rhan o'r derbyniad, derbyniodd grŵp cymunedol a dau unigolyn wobrau Barcud Arian gan Gadeirydd Cyngor Sir Powys, y Cynghorydd Gareth Ratcliffe, am eu gwaith gwirfoddol yn helpu eraill yn eu cymunedau.  Yn derbyn Barcud Arian oedd:

• Fuelled by Cake
• Steph Burton
• Jen Craven

Clywodd gwahoddedigion a phwysigion gan Arweinydd Cyngor Sir Powys, y Cynghorydd James Gibson-Watt a soniodd am sut mae gwirfoddoli'n allweddol i gymunedau Powys a sut mae'r cyngor wedi gweithio gyda'i bartner PAVO sef Cymdeithas Mudiadau Gwirfoddol Powys, i greu rhwydwaith o Fannau Cynnes ynghyd â Costau Byw.

Clywyd hefyd wrth y siaradwr gwadd Clair Swales, Prif Weithredwr Dros Dro PAVO.

Dywedodd yr Arweinydd y Cynghorydd James Gibson-Watt: "Mae gwirfoddoli'n rhan bwysig o'n cymunedau ni felly roedd yn bleser cael trefnu'r derbyniad hwn a thalu teyrnged i'r holl wirfoddolwyr hynny sy'n gwneud gwahaniaeth go iawn i gymaint o bobl ym Mhowys."

Ychwanegodd y Cadeirydd, y Cynghorydd Gareth Ratcliffe: "Roedd yn bleser cael cyflwyno'r gwobrau hyn yn ystod derbyniad Gwirfoddoli ym Mhowys i bobl haeddiannol iawn sydd wedi cael effaith go iawn ar eu cymunedau. Llongyfarchiadau i bawb."