Adroddiad Hunanasesu Corfforaethol Blynyddol

Bob blwyddyn, mae pob awdurdod lleol yng Nghymru bellach yn gorfod cyhoeddi adroddiad sy'n gosod allan sut mae'r Cyngor yn credu y mae'r sefydliad wedi perfformio yn ystod y cyfnod ariannol blaenorol (Ebrill - Mawrth).

Mae disgwyl i'r adroddiad gynnwys casgliadau'r Cyngor o ran lefel ei berfformiad a'r graddau y mae wedi cyflawni ei ddyletswyddau a'i oblygiadau. Does dim disgwyl i'r adroddiad gyflwyno tystiolaeth newydd, ond yn hytrach bydd yn dwyn ynghyd yr adroddiadau a hunanasesiadau niferus eraill y mae'r Cyngor yn gyfrifol amdanynt i'w datblygu drwy gydol y flwyddyn. Mae'r Adroddiad Hunanasesiad Corfforaethol Blynyddol yn amlinellu'r wybodaeth sydd ar gael drwy'r ffynonellau eraill hyn ac mae'n darparu cyfres o ddyfarniadau sy'n seiliedig ar yr argymhellion a wnaed gan yr adroddiadau hynny.

Gellir cael manylion pellach ynghylch perfformiad y Cyngor o ran bodloni oblygiadau llywodraethiant oddi wrth Ddatganiad Llywodraethiant Blynyddol Powys (DLlB). Mae'r ddogfen hon yn gosod allan y prosesau a'r mesurau diogelu sydd gan Gyngor Sir Powys mewn lle i sicrhau ymarfer llywodraethiant da ac mae'n disgrifio unrhyw welliannau ac argymhellion a gofnodwyd yn ystod y cyfnod ariannol blaenorol. Mae'r ddwy ddogfen, wrth eu hystyried ar y cyd, yn darparu hunanasesiad cynhwysfawr sy'n disgrifio sut mae'r Cyngor yn barnu ei berfformiad.

Gwybodaeth Gefndir

Daeth Deddf Llywodraeth Leol ac Etholiadau (Cymru) 2021 i rym cyfreithiol yn Ebrill 2021 ac mae'n gosod oblygiad ar awdurdodau lleol yng Nghymru i ddarparu adroddiad blynyddol sy'n gosod allan sut y maen nhw'n cyflawni eu 'gofynion perfformio'. Yn ymarferol, mae hyn yn golygu y bydd rhaid i CSP ddarparu tystiolaeth o'r canlynol:

Ei fod yn ymarfer ei swyddogaethau'n effeithiol
Ei fod yn defnyddio ei adnoddau'n economaidd, yn effeithiol ac yn effeithlon
Y graddau y mae ei lywodraethiant yn effeithiol o ran sicrhau'r uchod

Mae Llywodraeth Cymru wedi diffinio hunanasesiad fel:

'modd beirniadol a gonest o adolygu'r sefyllfa bresennol er mwyn gwneud penderfyniadau am sut i sicrhau gwelliant ar gyfer y dyfodol. Mae hunanasesiad yn fwy na datgan pa drefniadau sydd mewn lle; y mae'n ymwneud â pha mor effeithiol ydy'r trefniadau hyn a sut y gellir eu gwella.'

Yn ychwanegol, mae Adran 90 y Ddeddf yn amlinellu disgwyliad Llywodraeth Cymru y bydd awdurdodau lleol, o leiaf un waith ym mhob cyfnod ariannol yn ymgynghori â:

a) phobl leol

b) pobl eraill sy'n cyflawni busnes yn ardal y cyngor

c) staff y cyngor

d) pob undeb llafur a gaiff ei gydnabod gan y cyngor

Caiff yr ymgynghoriadau hyn eu defnyddio i ennyn adborth am ba mor dda mae'r awdurdod yn cyflawni ei ofynion perfformiad.

Adroddiad Hunanasesu Corfforaethol Blynyddol

Bob blwyddyn, mae pob awdurdod lleol yng Nghymru bellach yn gorfod cyhoeddi adroddiad sy'n gosod allan sut mae'r Cyngor yn credu y mae'r sefydliad wedi perfformio yn ystod y cyfnod ariannol blaenorol (Ebrill - Mawrth).

2023-24

2022-2023

2021-2022

Gwybodaeth Gefndir