Powys yn diolch i weithwyr ieuenctid yn ystod Wythnos Gwaith Ieuenctid
![Image of young people](/image/18358/Image-of-young-people/standard.png?m=1687967083083)
28 Mehefin 2023
![Image of young people](/image/18358/Image-of-young-people/gi-responsive__100.png?m=1687967083083)
Mae Cyngor Sir Powys wedi diolch i'w weithwyr ieuenctid yn ystod Wythnos Gwaith Ieuenctid, sy'n dathlu effaith ac amrywiaeth gwaith ieuenctid ledled Cymru, gyda'r nod o hyrwyddo dealltwriaeth ehangach o, a chymorth ar gyfer gwaith ieuenctid.
Trwy ymgysylltu â phobl ifanc 11-25 oed, mae gweithwyr ieuenctid y sir wedi bod yn rhoi cymorth gwerthfawr ac yn grymuso pobl ifanc yn ystod y cyfnod heriol sydd ohoni.
Dywed y Cyng. Sandra Davies, Aelod y Cabinet ar gyfer Cenedlaethau'r Dyfodol: "Mae ymdrechion diflino ein gweithwyr ieuenctid wedi bod yn hollbwysig o ran cynnig arweiniad, mentora a gwasanaethau hanfodol i bobl ifanc Powys.
"Mae eu hymrwymiad digyffelyb i lesiant a datblygu unigolion ifanc y sir yn haeddu cymeradwyaeth, yn enwedig yng nghanol yr argyfwng costau byw presennol, sy'n anodd a thrallodus.
"Rydym yn hynod ddiolchgar i'r gweithwyr ieuenctid sy'n parhau i roi eu hamser a'u hegni i bobl ifanc Powys. Diolch o galon."