Y Cyngor yn cyflwyno rhybudd am niwsans sŵn cyfarth cŵn
![Image of a dog barking](/image/19533/Image-of-a-dog-barking/standard.png?m=1702659732377)
15 Rhagfyr 2023
![Image of a dog barking](/image/19533/Image-of-a-dog-barking/gi-responsive__100.png?m=1702659732377)
Mae Tîm Diogelu'r Amgylchedd Cyngor Sir Powys wedi cyflwyno rhybudd ar ôl erlyn preswyliwr yn llwyddiannus yng Ngogledd Powys am fynd yn erbyn Hysbysiad Atal Sŵn mewn perthynas â chŵn yn cyfarth.
Cafodd y preswyliwr ddirwy o £500 am fynd yn erbyn yr Hysbysiad Atal Sŵn a chael gorchymyn i dalu costau o £450 a £200 o dâl ychwanegol i'r dioddefwr gan Lys Ynadon Llandrindod yn gynharach y mis hwn (Rhagfyr).
Dechreuodd y cwynion am yr achos hwn yn gyntaf yn 2001, ac yn dilyn ymchwiliadau gan y Cyngor Sir cyflwynwyd Hysbysiad Atal Sŵn i'r preswyliwr.
Er gwaethaf hyn fe wnaeth y preswyliwr barhau i ganiatáu i'w gi gyfarth am gyfnodau hir, gan aflonyddu ar gymdogion cyfagos. Cofnododd swyddogion Tîm Diogelu'r Amgylchedd achosion o dorri'r hysbysiad atal ar bedwar achlysur gwahanol, a chan fod y preswyliwr wedi methu ag ymgysylltu a datrys y mater, erlynwyd ef yn y Llys Ynadon.
Dywedodd y Cynghorydd Richard Church, Aelod Cabinet Powys Mwy Diogel: "Dylai preswylwyr allu byw yn eu cartrefi eu hunain heb gael eu heffeithio'n ddifrifol gan niwsans sŵn di-ildio parhaus.
"Er gwaethaf cael gwybod am y niwsans sŵn hwn gan y cyngor ar sawl achlysur, parhaodd y diffynnydd i ganiatáu i'w gŵn cyfarth ac achosi niwsans i gymdogion.
"Mae'r erlyniad llwyddiannus hwn yn ein hatgoffa o'r angen i ystyried cymdogion ac na fyddwn yn oedi cyn gweithredu yn erbyn y rhai sy'n effeithio'n negyddol ar fywydau pobl eraill."