Cyfanswm o £143,000 o gymorth Grantiau Twf yn helpu 13 cwmni o Bowys
24 Mai 2024
Maent yn ymwneud ag amrywiaeth eang o weithgareddau o adeiladu tai i fragu, a derbyniodd pob un symiau o rhwng £1,000 a £25,000 ar ôl i gyfanswm o bron i £1.1 miliwn gael ei sicrhau gan y cyngor, oddi wrth Lywodraeth y DU, drwy'r Gronfa Ffyniant Cyffredin.
Mae'r arian, sydd hefyd yn gallu cael ei hawlio gan fusnesau sydd am symud i Bowys, yn parhau i fod ar gael o dan ail rownd y cynllun.
Cyflwyno datganiad o ddiddordeb ar gyfer Grant Twf Busnes Powys nawr.
Bydd y rownd hon yn parhau ar agor nes bod y pot o £950,000 wedi'i ddyrannu'n llawn. Mae ceisiadau'n cael eu hystyried ar sail y cyntaf i'r felin, yn amodol ar gymeradwyaeth.
Y 13 cwmni a oedd yn llwyddiannus yn rownd un oedd:
- Airflo Fishing Products, Aberhonddu: helpwyd i brynu siambr profi hinsawdd ail-law ar gyfer profi cynhyrchion pysgota, fel llinellau pysgota, yn lle rhentu un.
- Andy's Bread, Llanidloes: helpodd i brynu popty ffan newydd fel bod y busnes yn gallu cynhyrchu mwy o deisennau melys ffres a chynhyrchion blasus.
- Antur Brew Co (Van Dijk Brewing), Crughywel: helpodd i brynu pedwar tanc eplesu 1,000 litr a gosod llawr bragdy newydd.
- As You See It Media, Llangatwg: helpu i brynu offer LiveU i'w ddefnyddio wrth ffrydio digwyddiadau yn fyw i oresgyn problemau gyda chysylltedd rhyngrwyd gwael.
- CME Developments, Ystradgynlais: helpu i brynu cynwysyddion a chanopïau i greu mannau gwaith dan do, offer a pheiriannau trydan i ychwanegu at ei fflyd llogi a meddalwedd cyfrifiadurol.
- Custom Marine Developments (CMD), Abermiwl: helpu i brynu system rheoli data dylunio i'r tîm o beirianwyr dylunio â chymorth cyfrifiadur ei defnyddio.
- Fedw Equestrian Centre, Trecastell: helpu i brynu offer newydd, gwefan a hyfforddiant i arallgyfeirio i ddod yn lleoliad tag laser, Laser Tag Wales.
- Gloversure, Y Trallwng: helpu i brynu offer cyfrifiadurol a gweinyddion ar gyfer tîm newydd o staff sy'n gweithio ar is-frand wedi'i dargedu at y sector adeiladu.
- Montgomeryshire Homes, Y Trallwng: helpu i brynu GPS ac offer cyfrifiadurol fel y gall gynnal ei arolygon safle ei hun a drafftio ei gynlluniau safle ei hun.
- Plas Dolguog, Machynlleth: helpu i wneud gwaith adnewyddu i gynyddu'r capasiti i bum ystafell wely a chreu man storio diogel ar gyfer offer gweithgareddau awyr agored.
- Quality Pipe Supports, Y Drenewydd: helpodd i brynu 'blaster' bwydo gwasgedd awtomatig i ryddhau amser ar gyfer tasgau mwy medrus.
- Rural Foodies (Coco Pzazz), Llanidloes: helpu i brynu offer newydd ar gyfer gwresogi ac oeri siocled er mwyn cynyddu'r gallu i gynhyrchu.
- Tuscan Foundry Products, Llanafan Fawr: helpwyd i brynu platfform mynediad lifft uchel newydd ar gyfer cynnal archwiliadau cwteri a phibellau.
"Rwy'n falch iawn ein bod wedi gallu cefnogi'r tair ar ddeg o fusnesau hyn o bob rhan o Bowys yn ystod rownd un," meddai'r Cynghorydd David Selby, Aelod Cabinet Cyngor Sir Powys ar gyfer Powys Fwy Llewyrchus, "mae'r buddsoddiad hwn wedi helpu i greu 12 swydd newydd llawn amser a thair swydd ran amser, ac i ddiogelu 19 o swyddi llawn amser a phum rhan amser.
"Rydym am helpu busnesau yn y sir, a'r rhai sydd am symud yma, ar bob cam o'u datblygiad i gynnal, tyfu ac arloesi, gan gynnwys drwy rwydweithiau lleol, ac rydym yn edrych ymlaen at helpu llawer mwy yn rownd dau."
- Dywedodd Gareth Jones, Cyfarwyddwr Gwerthiant a Chynnyrch yn Airflo Fishing Products: "Rydym yn gweithgynhyrchu cynhyrchion a ddefnyddir yn fyd-eang felly mae angen i ni allu eu profi mewn amodau poeth, cymedrol ac oer ac mewn dŵr ffres neu ddŵr hallt er mwyn dynwared yr amgylchedd y cânt eu defnyddio ynddo."
- Dywedodd Andrew Wright, Cyfarwyddwr Andy's Bread: "Bydd y popty ffan newydd hwn yn ein galluogi i bobi llawer mwy o gynhyrchion ar yr un pryd. Hefyd i ddatblygu eitemau newydd a fydd yn ychwanegu gwerth a gwydnwch i'r busnes."
- Dywedodd Lance Van Dijk, Cyfarwyddwr Antur Brew Co: "Bydd hyn (pedwar tanc eplesu ychwanegol) ar unwaith yn cynyddu ein hallbwn posibl presennol o 500L yr wythnos i 2,500L yr wythnos. Bydd y cynnydd mewn cynhyrchiant yn gwneud gwerthiant masnach pecynnau mawr (gwerthiannau casgen i dafarndai, bariau a bwytai lleol) yn opsiwn ymarferol."
- Dywedodd Tim Jones, Cyfarwyddwr Creadigol yn As You See It Media: "Nod ein prosiect yw adeiladu cadernid trwy brynu uned LiveU sy'n cyfuno ffynonellau rhyngrwyd lluosog gan gynnwys data symudol, ether-rwyd a Wi-Fi a ffrydio mewn codec sydd wedi'i optimeiddio ar gyfer trosglwyddo fideo."
- Dywedodd Jack Miller, Rheolwr Gyfarwyddwr Custom Marine Development: "Mae system rheoli data dylunio yn caniatáu ar gyfer cydweithio canolog, heb i bob peiriannydd ymyrryd â ffeiliau rhywun arall. Mae hyn yn caniatáu i beirianwyr lluosog weithio ar yr un prosiect ar yr un pryd, gan ddarparu cyfleoedd i dendro am brosiectau mwy."
- Dywedodd Sam Workman, Cyfarwyddwr Fedw Equestrian Centre: "Rydym yn cynnig defnyddio ein seilwaith presennol i arallgyfeirio i ddod yn lleoliad tag laser. Mae'n gweithio'n dda gyda'n Haddewid Twf Gwyrdd Llywodraeth Cymru gydag ychydig iawn o sŵn ac effaith amgylcheddol hynod o isel. Rydym hefyd wedi addo plannu coed pren caled i wrthbwyso ôl troed carbon ein hymwelwyr wrth i'r busnes dyfu."
- Dywedodd Stephanie Windsor-Lewis, Partner ym Mhlas Dolguog: "Mae'r ddau brosiect (dwy ystafell wely ychwanegol a'r man storio) i gefnogi a chynnig llety addas ar gyfer twristiaeth gweithgareddau. Mae grwpiau bach o bedwar neu bump, sy'n ymweld â'r ardal i gymryd rhan mewn gweithgareddau awyr agored, yn gofyn inni'n aml am ein hargaeledd."
- Dywedodd Lori Whinn, Cyfarwyddwr Rural Foodies (Coco Pzazz): "Mae'r Prosiect Twf yn golygu prynu peiriant siocled Keychoc newydd, gyda capasiti uchel a fydd yn trawsnewid ein galluoedd cynhyrchu. Bydd yn ein galluogi i gynhyrchu 800 o fariau siocled ychwanegol yn ystod diwrnod gwaith rheolaidd."
- Dywedodd Paul Stenning, Partner yn Tuscan Foundry Products: "Mae angen i ni gryfhau a gwahaniaethu ein busnes yn y farchnad ac rydym nawr yn dymuno ehangu ein galluoedd amcangyfrif/arolygu trwy brynu platfform mynediad lifft uchel wedi'i osod ar drelar i allu darparu arolygon lefel llygaid o gwteri a phibellau."
Gellir defnyddio'r arian i helpu i ariannu cynlluniau cyfalaf a phrosiectau refeniw unwaith-yn-unig ond ni ellir ei ddefnyddio i dalu costau rhedeg arferol.
Am ragor o wybodaeth ewch i wefan Cyngor Sir Powys.
Neu anfonwch e-bost i: economicdevelopment@powys.gov.uk
LLUN: Andy, o Andy's Bread, yn defnyddio'r popty i bobi ychydig o pain aux noix a pasteiod