Pumed Adroddiad Blynyddol Bwrdd Gwasanaethau Cyhoeddus Powys
22 Gorffennaf 2024
Mae Bwrdd Gwasanaethau Cyhoeddus Powys yn bartneriaeth statudol o gyrff cyhoeddus sy'n gweithredu ym Mhowys, sy'n cydweithio â sefydliadau eraill a phobl Powys i wella llesiant mewn cymunedau lleol drwy gydweithio mewn modd mwy cynaliadwy.
Mae dyletswydd ar Fyrddau Gwasanaethau Cyhoeddus i adolygu'r cynnydd a wnaed yn erbyn eu Cynlluniau Llesiant yn flynyddol. Adolygwyd Cynllun Llesiant Powys yn 2023 (i bob pwrpas tan 2027) gan wneud hwn yr adroddiad blynyddol cyntaf yn erbyn y Cynllun Llesiant newydd.
Dywedodd y Cynghorydd Sir James Gibson-Watt, Cadeirydd Bwrdd Gwasanaethau Cyhoeddus Powys: "Fel Bwrdd Gwasanaethau Cyhoeddus, mae gennym obeithion ac uchelgeisiau mawr ar gyfer y dyfodol. Fodd bynnag, gwyddom fod Powys yn wynebu heriau sylweddol, o ran lles pobl ac yn yr amgylchedd ffisegol yr ydym i gyd yn dibynnu arno.
"Mae pobl yn byw gydag effeithiau uniongyrchol yr argyfyngau hinsawdd a natur sy'n dyfnhau, ac mae'r cynnydd mewn costau byw yn golygu bod gwahaniaethau mewn iechyd, cyfoeth a hapusrwydd yn tyfu ac yn dod yn fwy anghyfartal. Mae angen atebion creadigol ar gyfer y problemau cymhleth hyn sy'n mynd at wraidd y materion er mwyn eu trwsio wrth eu ffynhonnell.
"Rwy'n edrych ymlaen at rannu mwy o ddiweddariadau wrth i ni weithio gyda'n gilydd i greu 'Powys Deg, Iach a Chynaliadwy' i bawb. Yn y cyfamser, mae'r diweddariad canlynol yn cyflwyno trosolwg o'r gwaith sydd wedi'i wneud ymhlith sefydliadau partner i ddatblygu'r Cynllun Llesiant a gyhoeddwyd gennym y llynedd.
Mae'r adroddiad cynnydd blynyddol 2023/24 yn darparu gorolwg o weithgareddau'r tri Cham:
- Ymateb i'r Argyfwng Hinsawdd
- Dull system gyfan i Bwysau Iach
- Tystiolaeth a Mewnwelediad
Mae'r tri Cham a'u rhaglenni gwaith yn cyd-fynd â thri amcan Cynllun Llesiant Bwrdd Gwasanaethau Cyhoeddus, gyda'r nod cyffredinol o gyflawni gweledigaeth y Bwrdd o Bowys Teg, Iach a Chynaliadwy.
Cafodd yr Adroddiad Blynyddol hefyd ei graffu gan Bwyllgor Craffu Bwrdd Gwasanaethau Cyhoeddus Powys, gan helpu i ysgogi gwelliant yn y ffordd y mae Bwrdd Gwasanaethau Cyhoeddus Powys yn cyflawni ei ddyletswyddau ac yn hyrwyddo lles i drigolion Powys.
Gellir darllen yr adroddiad blynyddol yma Ein Hadroddiad Cynnydd Blynyddol
Os hoffech chi gymryd rhan neu dywedwch wrthym beth ry'ch chi'n ei feddwl trwy anfon e-bost at powyspsb@powys.gov.uk
Rhannu'r dudalen hon
Argraffu
