Trosglwyddo safle cartrefi newydd yn Llandrindod

Powys County Council Cabinet Members, Matthew Dorrance (left) and Jake Berriman mark the handover of the site on Temple Street to Housing Services (from the Strategic Property Team), watched by fellow Cabinet Member Pete Roberts; Chief Officer – Place, Ma

30 Medi 2024

Mae safle a fydd yn cael ei ddefnyddio i adeiladu tua 20 o fflatiau un ystafell wely newydd yng nghanol Llandrindod wedi ei drosglwyddo i Wasanaethau Tai Cyngor Sir Powys.

Prynwyd y tir rhwng Stryd y Deml a Phromenâd y Gorllewin, sydd heb ei ddefnyddio ers 20 mlynedd, gan Wasanaeth Economi a Hinsawdd y cyngor gyda chyllid wedi'i sicrhau gan Lywodraeth y DU.

Cwblhawyd y gwaith o ddiogelu wal talcen y Palas Moduron rhestredig gradd II* cyfagos ac mae tirfesuriadau cychwynnol wedi'u cwblhau ar y safle, a oedd unwaith yn rhan o'r garej (estyniad o'r 1960au).

Mae'r prosiect bellach ar y cam cynllunio ac mae'n debygol y bydd ymgynghori â'r cyhoedd ynghylch y cynlluniau yn gynnar yn 2025.

Ar hyn o bryd mae 457 o ymgeiswyr ar gofrestr Cartrefi ym Mhowys, sy'n aros i eiddo rhent cymdeithasol ddod ar gael yn Llandrindod.

"Mae'r cyngor cyfan yn gweithio gyda'i gilydd i fynd i'r afael ar frys â'r argyfwng tai sy'n ein hwynebu," meddai'r Cynghorydd Matthew Dorrance, Dirprwy Arweinydd ac Aelod Cabinet ar gyfer Powys Decach. "Bydd y safle hwn, a gaffaelwyd gyda chymorth Llywodraeth y DU, yn ein galluogi i ddarparu llety rhent cymdeithasol un ystafell wely y mae mawr ei angen yn Llandrindod."

Ychwanegodd y Cyngh David Selby, Aelod Cabinet Powys Fwy Llewyrchus: "Rwy'n falch ein bod ni wedi gallu hwyluso ailddatblygu'r safle tir llwyd adfeiliedig hwn, sydd heb ei ddefnyddio ers cyhyd. Mae ganddo leoliad amlwg, ochr yn ochr â chefnffordd yr A483, ac ar hyn o bryd nid yw'n gwneud dim i wella ymddangosiad canol y dref."

I wneud cais am dai cymdeithasol ewch i wefan Cartrefi ym Mhowys: https://www.homesinpowys.org.uk/#

Rhagor o wybodaeth am wneud cais am dai cymdeithasol: Gwneud cais am dŷ cymdeithasol

LLUN: Aelodau Cabinet Cyngor Sir Powys, Matthew Dorrance (chwith) a Jake Berriman sy'n nodi trosglwyddo'r safle ar Stryd y Deml i Wasanaethau Tai (o'r Tîm Eiddo Strategol), gyda'r canlynol yn gwylio: Pete Roberts, Cyd-aelod o'r Cabinet; Prif Swyddog - Lle, Matt Perry a Rheolwr Cyflawni'r Rhaglen (Cefnogi Cymunedau), Louise Nicholson.