5 safle ysgol a chanolfan gymunedol wedi helpu i gwtogi £42k ar filiau ynni

4 Tachwedd 2024

Mae paneli solar, batris, goleuadau LED ac insiwleiddio llofftydd wedi'u gosod mewn pum ysgol ym Mhowys, gyda chanolfannau cymunedol ynghlwm wrthynt, mewn ymgais i'w gwneud yn fwy cynaliadwy.

Disgwylir i'r gwaith gyflawni arbedion cost blynyddol cyfunol o tua £42,000 ac amcangyfrifir bod 23 tunnell o CO₂e yn arbedion carbon.

Y safleoedd sy'n elwa o'r cynlluniau a ddatblygwyd gan Wasanaethau Dylunio Eiddo Cyngor Sir Powys yw:

• Ysgol Gynradd Sirol Aberriw a Chanolfan Gymunedol Aberriw
• Ysgol a Neuadd Gymunedol yr Eglwys yng Nghymru Y Bontnewydd-ar-Wy.
• Ysgol Cwm Banwy a Chanolfan y Banw yn Llangadfan.
• Ysgol Glantwymyn a Chanolfan Gymunedol.
• Ysgol Dolafon a Neuadd Bromsgrove yn Llanwrtyd.

Mae'n dilyn gwelliannau tebyg a wnaed mewn safleoedd ysgolion a canolfannau cymunedol yn Ardd-lin, Tregynon a Llangatwg y llynedd.

Cefnogwyd y gwaith gan gyllid grant Rhaglen Cydweithredu Asedau Cymru gan Lywodraeth Cymru (Ystadau Cymru).

Cwblhawyd y gwaith yn 2024:

• 11 kWp o baneli solar gyda storfa batri 11 kWh, ffitiadau goleuadau LED a 200mm o inswleiddio atig wedi'u gosod yn Ysgol Gynradd Sir Aberriw.
• 11 kWp paneli solar gyda storfa batri 11 kWh, ffitiadau goleuadau LED a 200mm o inswleiddio atig wedi'u gosod yng Nghanolfan Gymunedol Aberriw.
• 11 kWp paneli solar gyda storfa batri 11 kWh, wedi'u gosod yn Ysgol yr Eglwys yng Nghymru Y Bontnewydd-ar-Wy.
• 3.69 kWp paneli solar gyda storfa batri 5.8 kWh, wedi'u gosod yn Neuadd Gymunedol Y Bontnewydd-ar-Wy.
• 11 kWp o baneli solar gyda storfa batri 11 kWh, ffitiadau goleuadau LED a 200mm o inswleiddio atig wedi'u gosod yn Ysgol Cwm Banwy.
• Ffitiadau goleuadau LED a 200mm o inswleiddio atig wedi'u gosod yng Nghanolfan y Banw.
• Paneli solar 11 kWp gyda storfa batri 11 kWh, ffitiadau goleuadau LED a 200mm o inswleiddio atig wedi'u gosod yn Ysgol Glantwymyn.
• Paneli solar 11 kWp gyda storfa batri 11 kWh, ffitiadau goleuadau LED a 200mm o inswleiddio atig wedi'u gosod yng Nghanolfan Gymunedol Glantwymyn.
• Paneli solar 11 kWp gyda storfa batri 11 kWh, ffitiadau goleuadau LED a 200mm o inswleiddio atig wedi'u gosod yn Ysgol Dolafon.
• Ffitiadau goleuadau LED a 200mm o inswleiddio atig wedi'u gosod yn Neuadd Bromsgrove.

Dywedodd y Cynghorydd Jake Berriman, Aelod Cabinet Cyngor Sir Powys ar gyfer Cysylltu Powys, "Rydym yn ddiolchgar i Lywodraeth Cymru am y cyllid grant hwn, a rhagwelwn y bydd hyn yn helpu'r ysgolion a'r canolfannau cymunedol sydd wedi elwa i dorri eu biliau trydan. "Mae hefyd yn eu helpu i dorri eu hôl troed carbon a'n symud tuag at ein targed - a osodwyd gan Lywodraeth Cymru - i fod yn sero net ar gyfer allyriadau nwyon tŷ gwydr erbyn 2030.

"Fel cyngor, rydym am gefnogi ein cymunedau i fod yn fwy cynaliadwy ar gyfer cenedlaethau'r dyfodol fel rhan o'n dull gweithredu Powys Gynaliadwy."

Ychwanegodd Jayne Bryant AS, Ysgrifennydd y Cabinet dros Dai a Llywodraeth Leol: "Mae Llywodraeth Cymru yn falch o gefnogi mentrau cynaliadwy ym Mhowys drwy Ystadau Cymru a chynllun grant Rhaglen Cydweithredu Asedau Cymru. Mae'r prosiect hwn yn gam sylweddol tuag at ein nod uchelgeisiol o gyflawni sero net erbyn 2030, gan annog cynaliadwyedd ar gyfer cenedlaethau'r dyfodol hefyd."

Cyflwynwyd y prosiectau i gyd gan Gontractwyr Trydanol Ian Jones o Gaersŵs.

Darparwyd cyllid ar gyfer y gwaith hefyd drwy raglen Gwelliannau Mawr Ysgolion Cyngor Sir Powys.

LLUN: Y paneli solar a osodwyd yn Ysgol Gynradd Sirol Aberriw a'r Ganolfan Gymunedol.