Amdano'r tîm

Mae'r Gwasanaeth Anabledd Integredig i Blant yn dîm sy'n darparu cymorth gwaith cymdeithasol i blant sydd angen cymorth ychwanegol i ddiwallu eu hanghenion gofal cymdeithasol (yn ychwanegol at yr hyn y gellir ei ddarparu gan Wasanaethau Cyffredinol neu Wedi'u Targedu yn y gymuned) oherwydd bod ganddynt anghenion dwys.Mae'r tîm wedi'i rannu'n wasanaeth Gogledd a De, ac mae gan y ddau Reolwr Tîm, Prif Weithiwr Cymdeithasol, Gweithwyr Cymdeithasol, Gweithwyr Lles ac Ymarferwyr Cymorth Cynnar.

Mae'r tîm yn darparu cymorth naill ai ar lefel cymorth cynnar, neu ar lefel statudol. Maent yn cynnal asesiadau gwaith cymdeithasol safonol a, lle bo angen, yn comisiynu gwasanaethau i ddiwallu unrhyw anghenion cymdeithasol nas diwallwyd, lle na ellir diwallu'r anghenion hyn drwy unrhyw ddull arall (megis cymorth i deuluoedd, cymorth yn y lleoliad ac ati). Pan fydd gwasanaeth a gomisiynir (neu Daliad Uniongyrchol) yn cael ei roi ar waith i gefnogi plentyn, cyfeirir at hyn fel arfer fel 'seibiant byr'.

Mae'r tîm yn gweithio gyda theuluoedd ar draws pob agwedd ar ofal cymdeithasol a gall gefnogi teuluoedd sydd ar gynlluniau amddiffyn plant, sy'n derbyn gofal, ym mhroses y llys ac sydd wedi'u nodi fel rhai sydd ag anghenion gofal a chymorth.