Cais cynllunio wedi'i gymeradwyo i adeiladu tai cyngor newydd

31 Ionawr 2025

Mae cais cynllunio i adeiladu 18 o dai cyngor newydd mewn tref yng ngogledd Powys wedi cael ei gymeradwyo, meddai'r cyngor sir.

Cyflwynodd Cyngor Sir Powys gynlluniau a fyddai'n gweld y cartrefi ecogyfeillgar ac wedi'u hinswleiddio'n dda ar dir i'r gorllewin o Faes yr Esgob yn Llanrhaeadr-ym-Mochnant.

Cafodd y cais cynllunio ar gyfer y datblygiad ei gymeradwyo gan Bwyllgor Cynllunio, Trwyddedu Tacsis a Hawliau Tramwy'r Cyngor ddydd Iau, 30 Ionawr.

Bydd y datblygiad yn cynnwys pedwar tŷ un ystafell wely, dau fyngalo un ystafell wely, chwe tŷ dwy ystafell wely, dau dŷ tair ystafell wely a phedwar fflat un ystafell wely.

Y cyngor fydd yn berchen ar y tai newydd ac yn eu rheoli a byddant yn cael eu dyrannu i denantiaid drwy 'Cartrefi ym Mhowys' - y siop un stop ar gyfer holl dai cymdeithasol y sir.

Dywedodd y Cynghorydd Matthew Dorrance, Dirprwy Arweinydd ac Aelod Cabinet ar gyfer Powys Decach: "Rwyf wrth fy modd bod ein cais cynllunio i adeiladu cartrefi o ansawdd uchel, sy'n defnyddio ynni'n effeithlon i'w rhentu yn Llanrhaeadr-ym-Mochnant wedi'i gymeradwyo.

"Mae darparu tai cyngor newydd yn Llanrhaeadr-ym-Mochnant yn ymrwymiad ariannol mawr gan y cyngor a fydd yn helpu i daclo tlodi, cefnogi'r economi leol a chreu cyfleoedd ar gyfer swyddi a hyfforddiant yn y gymuned.

"Mynd i'r afael â'r argyfwng tai ym Mhowys yw fy mhrif flaenoriaeth. Bydd y cynnig cyffrous hwn yn ein helpu i adeiladu dyfodol cryfach, tecach a gwyrddach i'n cymunedau."

I gael gwybod mwy am ymrwymiad y cyngor i ddatblygu 350 o gartrefi newydd i'w rhentu'n gymdeithasol, ewch i Datblygu Tai