Archebu ymweliad

Archebu slot amser ar gyfer eich ymweliad.

Bydd y system archebu yn dechrau ar 1 Ebrill 2025. O'r adeg hon ymlaen, bydd angen i unrhyw un sydd am ddefnyddio'r Canolfannau Ailgylchu Gwastraff Cartrefi archebu slot cyn ymweld. Byddwch yn gallu archebu eich slot tro cyntaf o 25 Mawrth 2025.

Cafodd y system cadw lle ar gyfer y Canolfannau Ailgylchu Gwastraff Cartrefi ei chyflwyno er mwyn:

• lleihau tagfeydd ac amseroedd ciwio
• gwneud ymweliadau'n haws ac yn gyflymach
• rhoi mwy o amser i staff i helpu ymwelwyr a allai fod angen cyngor a/neu gymorth ar y safle

Dilynwch y cyfarwyddiadau ar-lein i archebu amser yn y Ganolfan Ailgylchu Gwastraff Cartrefi o'ch dewis. Bydd angen i chi roi eich enw, cyfeiriad, cyfeiriad e-bost a rhif cofrestru'r cerbyd y byddwch yn ei ddefnyddio ar gyfer eich ymweliad.

Gellir archebu amser dros y ffôn hefyd drwy ffonio: 01597 827465

Gallwch archebu amser hyd at saith diwrnod ymlaen llaw. Fodd bynnag, os oes lle ar gael, efallai y byddwch yn gallu archebu amser ar gyfer heddiw.

Gellir gwneud yr archebion cyntaf o 25 Mawrth 2025.

Pethau i'w cofio cyn eich ymweliad:

• Lle bynnag y bo'n bosibl, defnyddiwch y casgliadau ailgylchu ymyl y ffordd wythnosol ar gyfer:
  • Plastig, caniau a chartonau
  • Papur a cherdyn
  • Poteli a jariau gwydr
  • Bwyd
• Ystyriwch a allai eich eitemau dieisiau gael ail fywyd? Dysgwch fwy am ddewis ailddefnyddio.
• O 1 Ebrill 2025 ymlaen, bydd angen i chi dalu i  gymryd gwastraff DIY  i'r Canolfannau Ailgylchu Gwastraff Cartrefi. Gallwch gael rhagor o wybodaeth ar ein tudalen gwybodaeth am daliadau gwastraff DIY​​​​. Os ydych yn cynllunio clirio tŷ neu brosiect adeiladu/DIY mawr, byddai llogi sgip gan gwmni gwastraff ag enw da yn fwy priodol
• Os ydych yn gyrru cerbyd o fath masnachol neu'n bwriadu defnyddio trelar ar gyfer eich ymweliad? Efallai y bydd angen Trwydded Cerbyd Masnachol neu Drelar (CVT). Gallwch gael rhagor o wybodaeth ar ein tudalen gwybodaeth am Drwyddedau Cerbydau neu Drelar Masnachol.
• Cyn cyrraedd y Ganolfan Ailgylchu Gwastraff Cartrefi, rhaid gwahanu'r holl ddeunyddiau yn barod i'w hailgylchu'n gywir yn y cynwysyddion cywir.
• Gwrthodir unrhyw fagiau neu focsys o ddeunyddiau cymysg, heb eu didoli.
• Rhaid i eitemau sy'n dod i'r ganolfan gael eu hailgylchu'n gywir. Dim ond fel dewis olaf y dylech daflu unrhyw beth i ffwrdd mewn sgip sbwriel gweddilliol/cyffredinol a rhaid defnyddio sgip ar gyfer eitemau na ellir eu hailgylchu yn unig.
• Os nad ydych yn siŵr ym mha gynwysyddion i ailgylchu eich eitemau yn y Ganolfan Ailgylchu Gwastraff Cartrefi,  siaradwch ag aelod o staff a fydd yn hapus i helpu.
• Gwisgwch ddillad ac esgidiau addas wrth ymweld â'r Ganolfan Ailgylchu Gwastraff Cartrefi.
• Rhaid i blant ac anifeiliaid anwes aros mewn cerbydau bob amser.
• Ni allwn dderbyn unrhyw wastraff nac ailgylchu o ffynonellau nad ydynt yn gartrefi (busnes neu sefydliadau) yn unrhyw un o'r Canolfannau Ailgylchu Gwastraff Cartrefi. I gael manylion am sut i waredu gwastraff masnachol yn gyfreithlon, cysylltwch ag Ailgylchu Masnachol Powys.

Rydym wedi creu tudalen 'Cwestiynau Cyffredin' cyfleus i fynd i'r afael ag unrhyw bryderon sydd gennych. Gallwch ddod o hyd i'r atebion i'r cwestiynau hyn ar 'Cwestiynau Cyffredin y System Archebu'.

Angen rhagor o wybodaeth? Cysylltwch â ni: waste.contracts@powys.gov.uk