Hwb i briffyrdd yn argymhellion y gyllideb

14 Chwefror 2025

Bydd argymhellion ar gynlluniau'r gyllideb gan Gabinet Cyngor Sir Powys yn cael eu hystyried gan gyfarfod o'r cyngor llawn yr wythnos nesaf.

Mae cynlluniau'r gyllideb wedi'u hariannu'n llawn sy'n cael eu hargymell gan y Cabinet yn cynnwys cynnydd arfaethedig o 8.9 y cant yn nhreth y cyngor, ynghyd â chyllid ar gyfer y gwasanaeth tân - arbedion cyllidebol o £12.3 miliwn, fel rhan o wariant blynyddol cyllidebol o dros £365 miliwn.

Dywedodd yr Aelod Cabinet ar gyfer Cyllid a Thrawsnewid Corfforaethol, y Cynghorydd Sir David Thomas: "Er gwaethaf y cynnydd yn ein cyllid allanol, mae'r galw cynyddol yn enwedig mewn gofal cymdeithasol, a phwysau chwyddiant yn golygu ein bod yn wynebu bwlch sylweddol yn y gyllideb. Bydd y gyllideb yr ydym yn ei hargymell yn cyflwyno cyllideb gytbwys.

"Ynghyd ag awdurdodau eraill yng Nghymru, rydym wedi lobïo Llywodraeth Cymru am gyllido gwaelodol sy'n gwarantu lefel benodol o gyllid, a'r gobaith yw y bydd hyn yn cael ei gytuno. Am bob cynnydd o 0.5 y cant mewn cyllid bydd Powys yn derbyn £1.1 miliwn ychwanegol. Byddem yn croesawu unrhyw gyllid ychwanegol i gefnogi ein gwasanaethau.

"Fel cabinet rydym yn gwrando ar bobl Powys ac fel rhan o'n cynlluniau cyllidebol, rydym yn argymell y dylid gwario unrhyw gyllid ychwanegol a ddyrennir drwy'r cyllido gwaelodol ar ein ffyrdd."

Dywedodd yr Aelod Cabinet ar gyfer Powys Wyrddach, y Cynghorydd Jackie Charlton: "Rwy'n croesawu ymrwymiad y Cabinet i wario arian ychwanegol drwy fecanwaith y cyllido gwaelodol ar ffyrdd y sir"

Bydd cyfarfod llawn o'r cyngor sir yn ystyried y gyllideb ddydd Iau 20 Chwefror.