Ethol arweinydd newydd y cyngor

Image of Cllr James Gibson-Watt and Cllr Jake Berriman

16 Mai 2025

Yng nghyfarfod y Cyngor Llawn ddoe (15 Mai), etholwyd y Cynghorydd Jake Berriman yn Arweinydd newydd Cyngor Sir Powys.

Mae'r Cynghorydd Berriman yn cymryd yr awenau oddi wrth y Cynghorydd James Gibson-Watt, a gyhoeddodd yn gynharach y mis hwn y byddai'n camu i lawr ar ôl tair blynedd.

Ar ôl cael ei ethol am y tro cyntaf i'r cyngor sir fel cynghorydd ar gyfer ward Gogledd Llandrindod ym mis Hydref 2019, penodwyd y Cynghorydd Berriman yn Aelod y Cabinet ar gyfer Cysylltu Powys ym mis Mai 2022.

"Mae'n anrhydedd cael fy ethol yn arweinydd newydd Cyngor Sir Powys ac rwy'n ymwybodol iawn bod cryfder y cyngor hwn yn gorwedd yn ei amrywiaeth a'i gydweithrediad," meddai'r Cynghorydd Berriman.

"Nid oes gan unrhyw grŵp unigol yr holl atebion, ac mae pob llais a phleidlais yn bwysig. Rwy'n gweld siambr unedig drwy ymrwymiad cyffredin i wasanaethu ein cymunedau, a chredaf y gallwn adeiladu ar hynny i sicrhau gwell canlyniadau gyda'n gilydd.

"Bydd fy arweinyddiaeth yn weladwy, yn hygyrch ac yn seiliedig ar wrando. Rhaid i ni weithio gyda'n gilydd, gyda pharch tuag at ein gilydd, i fynd i'r afael â'r heriau sydd o'n blaenau - yn enwedig yn y meysydd addysg, gofal cymdeithasol, a chostau byw.

"Rwyf wedi ymrwymo i wneud penderfyniadau cynhwysol, cynllunio cyllideb deg, a chynnal gwasanaethau rheng flaen cryf. Gyda'n gilydd, gallwn greu Powys gryfach, decach, wyrddach."

Fel rhan o'i araith dderbyn, talodd y Cynghorydd Berriman deyrnged i'w ragflaenydd am ei waith fel Arweinydd yn ystod cyfnod heriol ac am hyrwyddo Powys yn lleol ac yn genedlaethol.

Dywedodd y Cynghorydd Berriman, Arweinydd y Cyngor: "Hoffwn achub ar y cyfle hwn i ddiolch i James am y llaw gadarn y mae wedi ei ddefnyddio yn y rôl ers 2022, ac am y gefnogaeth y mae wedi'i dangos i mi wrth i mi gamu ymlaen ar yr adeg hon. Mae wedi gosod sylfeini cadarn o fewn y cyngor a ledled Cymru drwy ei arddull cydweithredol.

"Mae James wedi chwarae rhan bwysig ym mywyd gwleidyddol Powys, ac mae ei enw'n gyfystyr â gwasanaeth cyhoeddus ymroddedig. Yn sicr fe fydd yn anodd llenwi ei esgidiau, ac rwy'n wirioneddol ddiolchgar am yr hyder a'r gefnogaeth y mae wedi'i roi i mi.

"Rwy'n falch iawn bod James wedi cytuno i barhau i chwarae rhan allweddol o fewn y cyngor fel Aelod Cabinet dros Bowys Fwy Ffyniannus tan ddiwedd mis Medi ac rwy'n edrych ymlaen at barhau i weithio ag ef."

Yn dilyn ei ethol, cadarnhaodd y Cynghorydd Berriman aelodaeth ei Gabinet newydd:

Aelod Cabinet	Portffolio
Y Cynghorydd Jake Berriman: Arweinydd ac Aelod Cabinet dros Bobl, Perfformiad a Phartneriaethau	Busnes y Cabinet Datblygu a chynnal partneriaethau gan gynnwys y Cydbwyllgor Corfforaethol a'r Bwrdd Gwasanaethau Cyhoeddus Gwasanaethau Pobl - Datblygu a Chefnogi'r Gweithlu ac Aelodau Iechyd a Diogelwch Corfforaethol gan gynnwys Cadeirydd ar y cyd y Cydbwyllgor Cenedlaethol Rheoli Perfformiad Corfforaethol Cynllunio Datblygu Strategol a Lleol Eiddo gan gynnwys Ffermydd y Sir
Y Cynghorydd Matthew Dorrance: Dirprwy Arweinydd ac Aelod Cabinet dros Bowys Decach	Gwasanaeth Tai, gan gynnwys Sipsiwn a Theithwyr Mynd i'r Afael â Thlodi gan gynnwys y Gwasanaeth Cynghori Ariannol Trais yn erbyn Menywod, Cam-drin Domestig a Thrais Rhywiol, gan gynnwys Addewid y Rhuban Gwyn Cydraddoldeb ac Amrywiaeth Partneriaeth a Hyrwyddwr y Lluoedd Arfog Ffoaduriaid
Y Cynghorydd James Gibson-Watt (hyd at 30 Medi 2025) / Y Cynghorydd Glyn Preston (o 1 Hydref 2025): Aelod Cabinet ar gyfer Powys Fwy Ffyniannus	Datblygu Fframwaith Economaidd Strategol ar gyfer Powys, gan nodi cyfleoedd twf ac adfywio cynaliadwy Sicrhau cyfleoedd buddsoddi economaidd ledled Ardaloedd Powys i gefnogi creu lleoedd cynaliadwy, adfywio trefol ac adfywiad gwledig Cefnogi Bargen Twf Canolbarth Cymru a Phartneriaeth Sgiliau Rhanbarthol i greu a darparu cyfleoedd economaidd a chyfleoedd i ddysgwyr Dysgu ôl-16 a datblygu sgiliau, partneriaethau a darparwyr AU, AB a dysgu seiliedig ar waith ac yn y gymuned
Y Cynghorydd David Thomas: Aelod Cabinet dros Gyllid a Thrawsnewid Corfforaetho	Cyflawni rhaglen Trawsnewid Powys Gynaliadwy Cyllid Caffael, Incwm a Dyfarniadau a Chynllunio Busnes Integredig Rheoli risg
Y Cynghorydd Sian Cox: Aelod Cabinet dros Bowys Ofalgar	Gofal Cymdeithasol i Oedolion a Chomisiynu Rhaglen Llesiant Gogledd Powys Integreiddio'r System Ofal â Bwrdd Iechyd Addysgu Powys Datblygu Ymgysylltiad Cymunedol i gefnogi gweitho lleol
Y Cynghorydd Richard Church: Aelod Cabinet dros Wasanaethau Cyfreithiol a Rheoleiddio	Iechyd yr Amgylchedd a diogelu'r cyhoedd Safonau Masnach Cynllunio Argyfwng a Diogelwch Cymunedol Gwasanaethau Rheoli Datblygu a Rheoli Adeiladu Gwasanaethau Cyfreithiol Gwasanaethau'r Ombwdsmon, y Crwner a'r Cofrestrydd
Y Cynghorydd Pete Roberts: Aelod Cabinet dros Bowys sy'n Dysgu	Addysg Rhaglen Trawsnewid Ysgolion
Y Cynghorydd Jackie Charlton: Aelod Cabinet dros Bowys Wyrddach	Newid yn yr hinsawdd a datgarboneiddio Priffyrdd ac Ailgylchu Trafnidiaeth, gan gynnwys cludiant o'r cartref i'r ysgol Gwasanaethau Cefn Gwlad Materion amgylcheddol
Y Cynghorydd Sandra Davies: Aelod Cabinet dros Genedlaethau'r Dyfodol	Gwasanaethau Plant Cyfiawnder Ieuenctid Gwasanaethau Ieuenctid Deddf Cenedlaethau'r Dyfodol Y Gymraeg
Y Cynghorydd Raiff Devlin: Aelod Cabinet dros Gwsmeriaid, Gwasanaethau Digidol a Chymunedol	Gwasanaethau Cwsmeriaid a Llywodraethu Gwybodaeth Rhaglen Powys Ddigidol Hamdden a Diwylliant, gan gynnwys Theatrau, Llyfrgelloedd, Amgueddfeydd ac Archifau Cefnogi'r Bartneriaeth Bwyd Cynaliadwy ar gyfer Powys gan gynnwys Arlwyo a Glanhau