Digwyddiad Galw Heibio Pontsenni
29 Medi 2025
Bydd Cyngor Sir Powys yn adeiladu ysgol newydd i gymryd lle yr un presennol ar gyfer 120 o ddisgyblion ym Mhontsenni fel rhan o'i raglen Trawsnewid Addysg.
Ffrwyth y prosiect hwn fydd adeiladu Ysgol Gynradd newydd i gymryd lle yr un presennol ar gyfer 120 o ddisgyblion gan gynnwys defnydd cymunedol ynghyd â dymchwel yr adeilad presennol a gwaith allanol. Bydd yr ysgol wedi'i llunio i gyflawni'r cynllun Carbon Sero Net, cyrraedd targedau carbon a ymgorfforir gan Lywodraeth Cymru a chyflawni BREEAM Rhagorol.
Bydd yr ysgol newydd yn cynnwys:
- Blynyddoedd Cynnar
- Ystafell ddosbarth derbyn
- Ystafelloedd dosbarth Cyfnod Allweddol 1 a 2
- Neuadd yr Ysgol
- Ystafell gymunedol
- Llyfrgell
- Ardal gemau amlddefnydd newydd
- Ardaloedd chwarae meddal a chaled
Fel rhan o'r prosiect ysgol newydd, mae'r contractwr yn cynnal noson agored (8 Hydref 5-7pm) yn yr ysgol er mwyn i aelodau'r cyhoedd weld y cynigion gan eu bod wedi cael eu cyflwyno i'w hymgynghoriad cais cyn-gynllunio. (YCC)
Mae'r YCC cynllunio yn cael ei gyflwyno i Awdurdod Parc Cenedlaethol Bannau Brycheiniog ar 6 Hydref, ac mae'r digwyddiad hwn ar gyfer dangos i rieni ac aelodau'r cyhoedd yr hyn sy'n cael ei gyflwyno.
Bydd y sesiwn hon yn rhoi cyfle i weld a thrafod y cynlluniau ar gyfer adeilad newydd yr ysgol. Bydd y digwyddiad yn agored i'r gymuned ysgol gyfan yn ogystal â'r cyhoedd.
Dywedodd y Cynghorydd Pete Roberts, Aelod Cabinet ar gyfer Powys sy'n Dysgu: "Bydd yr adeilad newydd ar gyfer Pontsenni yn darparu cyfleusterau modern i'n disgyblion a'n staff addysgu ac yn eu helpu i ddarparu profiad addysg pleserus a boddhaus i bawb.
"Mae'r digwyddiadau galw heibio hyn yn rhoi cyfle gwych i bawb yng nghymuned yr ysgol ac aelodau o'r cyhoedd weld y cynlluniau cyffrous hyn, a fydd yn trawsnewid addysg i ddysgwyr ym Mhowys."
Rhannu'r dudalen hon
Argraffu
