Ydych chi'n poeni am eich cyllid?

Mae gennym Swyddogion Cymorth Ariannol sy'n gweithio o fewn y Gwasanaeth Tai. Mae eu gwasanaeth cynghori AM DDIM, ac maent yma i'ch helpu.

Maent yn darparu cyngor ynghylch budd-daliadau, arian, incwm a rheoli dyledion. 

Cysylltwch â nhw os ydych yn cael trafferth gyda'ch cyllid a/neu gostau ynni (hyd yn oed os ydych wedi siarad â nhw o'r blaen, oherwydd efallai y bydd grantiau, cynlluniau neu gymorth newydd y mae gennych hawl iddynt bellach). 

I gysylltu â'r Swyddogion Cymorth Ariannol ffoniwch 01597 827464 neu e-bostiwch:  housing@powys.gov.uk

CREDYD CYNHWYSOL - COSTAU TAI 

Os byddwch yn gwneud cais am Gredyd Cynhwysol, cofiwch adrodd am eich costau tai yn brydlon neu gallech golli arian i'ch cynorthwyo gyda'ch taliadau rhent.  

Os oes angen cymorth arnoch gyda hyn, neu unrhyw beth arall ynghylch Credyd Cynhwysol, cysylltwch â'r Swyddogion Cymorth Ariannol. 

CREDYD CYNHWYSOL - CYNLLUN CYMORTH I ARBED 

Mae'r cynllun hwn ar gyfer yr holl hawlwyr Credyd Cynhwysol sy'n gweithio, gan ganiatáu iddynt arbed rhwng £1 a £50 bob mis am fonws di-dreth posibl o hyd at £1,200 dros bedair blynedd. Roedd gan y cynllun, a gynlluniwyd i gefnogi'r rhai ag incwm is, feini prawf cymhwysedd llymach o'r blaen ond bydd bellach ar gael i unrhyw un sy'n ennill o leiaf £1.  

Gellir cyflwyno ceisiadau tan fis Ebrill 2027. 

Gallwch wneud cais ar-lein yn https://www.Gov.Uk/get-help-savings-low-income/how-to-apply neu gallwch ffonio cyllid a thollau EF (cthef) ar 0300 322 7093. 

CRONFA CYMORTH DEWISOL (DAF) 

Mae'r Taliad Cymorth Brys DAF yn rhoi grantiau i'r rhai sydd ar fudd-daliadau, sydd mewn caledi ariannol ac sydd angen cymorth ar unwaith gyda hanfodion craidd, megis bwyd, nwy, trydan a dillad sylfaenol.  Gallwch gael hyd at 3 grant o rhwng £56 a £111 yr un. 

I hawlio DAF, gallwch wneud y canlynol: 

Ewch i'r wefan - https://gov.Wales/discretionary-assistance-fund-daf 

Ffoniwch 0800 859 5924 (rhwng 9.30am a 4.00pm, ddydd Llun i ddydd Gwener) 

CRONFA BANC TANWYDD 

Os oes gennych wres olew ac nad ydych yn gallu rhoi olew yn eich tanc neu os oes gennych fesurydd talu ymlaen llaw ar gyfer eich nwy neu drydan ac yn cael trafferth rhoi arian ar eich mesurydd, cysylltwch â'r Swyddogion Cymorth Ariannol ar 01597 827464 i gael help a chymorth. 

BILIAU DŴR 

Os ydych chi'n cael problemau wrth dalu biliau, peidiwch â'u hanwybyddu.   

Cysylltwch â'ch cwmni dŵr gan fod ganddynt nifer o ffyrdd y gallant eich helpu.  Mae'r ddau gwmni dŵr yn cynnig tariffau is i gwsmeriaid ar incwm isel. 

Dŵr cymru - www.Dwrcymru.Com neu ffoniwch 0800 052 0145 

Hafren dyfrdwy - www.Hdcymru.Co.Uk neu ffoniwch 0800 085 8033 

YN BRYDERUS YNGHYLCH EICH BILIAU YNNI? 

Cymorth cyfrinachol am ddim i aelwydydd ym Mhowys 

Gyda phrisiau ynni yn cynyddu'n gyflym, mae'n hawdd teimlo eich bod wedi'ch llethu wrth ddelio ag ynni eich cartref. Ond nid oes rhaid i chi frwydro ar eich pen eich hun. Os oes arnoch angen rhywun ar eich ochr, mae ein Heiriolwr Ynni yma i chi. 

I drefnu galwad un-i-un gyda'n Heiriolwr Ynni, e-bostiwch advocate@severnwye.org.uk neu ewch Asiantaeth Ynni Severn Wye - cynaliadwyedd yn awr ac ar gyfer y dyfodol