Safon Ansawdd Tai Cymru (WHQS)

Toeau yn Llys Derw, Tregynon 

Mae ein contractwr, SWG, a benodwyd gan WHQS, wedi cwblhau gwaith toi yn llwyddiannus ar y byngalos yn Llys Derw, Tregynon—mewn pryd ar gyfer y misoedd oerach o'n blaen. 

Bydd y toeau newydd yn helpu i leihau colli gwres, gan wneud y cartrefi'n fwy effeithlon o ran ynni a helpu preswylwyr i arbed costau tanwydd. Mae'r uwchraddio wedi'i gynllunio i barhau am ddegawdau, gan gynnig tawelwch meddwl a chyfforddusrwydd drwy'r gaeaf a thu hwnt. 

Dyma enghraifft arall o'n buddsoddiad parhaus i wella ansawdd a chynaliadwyedd ein stoc dai. 

Enillydd Gwobr Boddhad Tenantiaid WHQS 

Llongyfarchiadau i Mrs Jones o Lys Jaundrell, y Drenewydd, enillydd lwcus y raffl fawr eleni â gwobr o £100! Cymerodd Mrs Jones ran yn y raffl fawr ar ôl cwblhau a dychwelyd ei holiadur boddhad yn dilyn gwaith Inswleiddio Waliau Allanol a wnaed ar ei heiddo. 

Os hoffech fod â chyfle i ennill y flwyddyn nesaf, cofiwch lenwi a dychwelyd unrhyw holiaduron boddhad a gewch ar ôl gwaith gwella i'ch cartref. Mae eich adborth yn bwysig iawn i ni—mae'n ein helpu i wella ansawdd y gwasanaeth rydym yn ei ddarparu.