Newid Diwrnodau casglu biniau ym mis Mawrth

2 Chwefror 2026

Bydd gan y rhan fwyaf o aelwydydd ym Mhowys ddiwrnod casglu gwastraff ac ailgylchu newydd gan ddechrau o ddydd Llun 2 Mawrth 2026.

Mae Cyngor Sir Powys yn cyflwyno llwybrau casglu newydd a gwell i wneud y gwasanaeth ailgylchu a gwastraff yn fwy effeithlon. Mae'r newidiadau hyn yn golygu y bydd llawer o aelwydydd yn gweld eu diwrnod casglu yn newid

Yr hyn sydd angen i chi ei wybod:

• Bydd y diwrnodau casglu newydd yn dechrau ar: Ddydd Llun 2 Mawrth 2026
• Ailgylchu a gwastraff bwyd: Casglu'n wythnosol
• Gwastraff na ellir ei ailgylchu: Cesglir bob tair wythnos
• Rhowch y biniau allan erbyn: 7:30am ar eich diwrnod casglu
• Rhagor o wybodaeth: Diwrnod casglu biniau

Bydd preswylwyr yn derbyn llythyr yn yr wythnosau nesaf yn cadarnhau eu diwrnod casglu newydd a gwybodaeth am sut i wneud y gorau o'u casgliadau ailgylchu. Gellir dod o hyd i ragor o wybodaeth a manylion am ddiwrnod a dyddiadau casglu ar-lein yn: Diwrnod casglu biniau

Dywedodd y Cynghorydd Jackie Charlton, Aelod Cabinet ar gyfer Powys Wyrddach: "Mae casglu gwastraff ac ailgylchu o dros 69,000 o eiddo ar draws 2,000 milltir sgwâr yn heriol.  Rydym yn adolygu ein llwybrau casglu yn rheolaidd i wella effeithlonrwydd, torri  allyriadau carbon a lleihau costau.

"Rydym yn ystyried llawer o bethau wrth adolygu neu greu llwybrau casglu newydd, gan gynnwys lle mae cartrefi newydd yn cael eu hadeiladu, newidiadau a wnaed i ffyrdd, cerbydau newydd neu uwchraddio, newidiadau i gyfreithiau amgylcheddol, pwysau ar gyllideb y cyngor, a sut mae ein gwasanaeth yn effeithio ar allyriadau carbon.

"Trwy ystyried hyn i gyd a defnyddio meddalwedd optimeiddio llwybrau arbenigol a phrofiad ein timau gweithredol, mae'r rowndiau wedi'u gwneud yn fwy effeithlon. Mae hyn yn golygu y bydd llawer o aelwydydd yn gweld newid i'w diwrnod casglu."

Mae rhagor o wybodaeth a manylion am ddyddiau a dyddiadau casglu i'w cael ar-lein: Diwrnod casglu biniau