Y Portffolio Trawsnewid

Beth yw'r Portffolio Trawsnewid?

Mae'r Portffolio Trawsnewid yn dwyn ynghyd raglenni newid mawr Cyngor Sir Powys mewn un cynllun cydgysylltiedig ar gyfer gwella bywydau trigolion. Mae'n cwmpasu'r gwaith strategol, ar draws y cyngor sydd ei angen i gyflawni canlyniadau gwell i bobl a chymunedau, moderneiddio gwasanaethau, mynd i'r afael â heriau'r dyfodol, a sicrhau bod y cyngor yn parhau i fod yn gynaliadwy ar gyfer cenedlaethau i ddod.

Mae'r portffolio yn cwmpasu popeth o sut rydym yn cefnogi preswylwyr bregus, gwella addysg a thrafnidiaeth, adeiladu cartrefi newydd, ymateb i'r argyfwng hinsawdd, cryfhau cymunedau lleol a thyfu'r economi - i sut rydym yn defnyddio offer a data digidol i wella gwasanaethau.

Mae'r dull cydgysylltiedig hwn yn sicrhau ein bod yn gwneud penderfyniadau yn seiliedig ar dystiolaeth glir, yn canolbwyntio ar ganlyniadau go iawn, ac yn cyflawni gwelliannau y gall preswylwyr eu teimlo yn eu bywydau bob dydd.

Pam mae trawsnewid yn bwysig

Mae Powys yn wynebu heriau sylweddol: galw cynyddol am wasanaethau, newidiadau yn y boblogaeth, gofynion polisi cenedlaethol, argyfyngau hinsawdd a natur, a phwysau ariannol. Er mwyn cwrdd â'r heriau hyn, mae'n rhaid i ni newid sut rydym yn gweithio - nid trwy addasiadau bach, ond trwy drawsnewid sylfaenol yn y ffordd y mae gwasanaethau yn cael eu dylunio, eu hariannu a'u darparu.

Mae trawsnewid yn hanfodol oherwydd ei fod yn ein galluogi i:

Roi preswylwyr yn gyntaf a dylunio gwasanaethau o amgylch eu hanghenion
Diogelu gwasanaethau hanfodol mewn amgylchedd ariannol heriol
Buddsoddi mewn atal i leihau'r pwysau hirdymor ar wasanaethau
Gweithio'n fwy effeithlon a chynaliadwy
Cryfhau cymunedau a mynd i'r afael ag anghydraddoldebau
Creu Powys gryfach, decach a gwyrddach ar gyfer y dyfodol

Yn ei grynswth

Mae'r Portffolio Trawsnewid yn helpu i ail-lunio Cyngor Sir Powys fel bod gwasanaethau:

yn Gryfach - gwella lles, gwytnwch a chyfleoedd
yn Decach - lleihau anghydraddoldebau a sicrhau nad oes neb yn cael ei adael ar ôl
yn Wyrddach - gwarchod amgylchedd naturiol Powys a pharatoi ar gyfer y dyfodol

Mae pob rhaglen yn cyfrannu'n uniongyrchol at wella bywyd i breswylwyr - mewn cartrefi, ysgolion, cymunedau, gweithleoedd a rhyngweithio bob dydd â'r cyngor.

Rhaglenni Trawsnewid Cyfredol

Trawsnewid Gwasanaethau Cymdeithasol a Lles

Mae'r rhaglen Gwasanaethau Cymdeithasol a Lles yn canolbwyntio ar sicrhau bod pobl o bob oed yn gallu byw'n ddiogel, yn annibynnol ac ag urddas.

Beth mae hyn yn ei olygu i breswylwyr

Gwell cefnogaeth sy'n fwy diogel i blant a theuluoedd, gan gynnwys Canolfannau Amser i Deuluoedd pwrpasol yn Aberhonddu a Llandrindod sy'n darparu mannau croesawgar ar gyfer amser ystyrlon ynghyd.
Bod mwy o blant yn gallu aros yn agos at adref, diolch i ddulliau maethu newydd
Mwy o gymorth yn gynharach, trwy Hybiau Cymorth Cynnar a llwybrau cymorth gwell fel bod teuluoedd yn derbyn yr help cywir cyn i broblemau waethygu.
Gwell gofal gartref, gyda gofal cartref wedi'i foderneiddio sy'n rhoi'r gallu i fwy o bobl fyw'n annibynnol.
Gwell tai gyda rhagor o ofal, gan ddarparu cartrefi mwy diogel a chefnogol i breswylwyr hŷn gan atal derbyniadau dianghenraid i'r ysbyty neu ofal preswyl.‑o ofal, gan ddarparu cartrefi mwy diogel a chefnogol i breswylwyr hyn gan atal derbyniadau dianghenraid i'r ysbyty neu ofal preswyl.

Trawsnewid Addysg

Mae'r rhaglen Trawsnewid Addysg yn moderneiddio ysgolion a dysgu fel bod pob plentyn yn cael y dechrau gorau posibl mewn bywyd.

Beth mae hyn yn ei olygu i ddysgwyr a theuluoedd

Amgylcheddau dysgu diogel, modern, gydag ysgolion newydd sylweddol yn cael eu hadeiladu ledled y sir.
Trawsnewidiadau cefnogol, gan sicrhau bod plant sy'n symud o ysgolion sydd wedi cau yn ymgartrefu'n gyflym i leoliadau newydd gyda chyfleoedd ehangach ac adnoddau gwell.
Ehangu'r ddarpariaeth Cyfrwng Cymraeg, cryfhau diwylliant Cymru a rhoi'r fantais gydol oes o ddwyieithrwydd i blant.‑canolig
Gwell cymorth Anghenion Dysgu Ychwanegol, gyda phrosesau symlach, gwell cydweithredu, ac ymyrraeth gynharach.
Cynnig ôl-16 cliriach, wedi'i siapio gan ymgysylltiad helaeth â dysgwyr, rhieni a chymuned ysgol.‑16 cliriach,

Trawsnewid Addysg

Hinsawdd a Natur

Mae'r rhaglen hon yn arwain ymateb y cyngor i'r argyfyngau hinsawdd a natur ac yn sicrhau bod Powys yn dod yn fwy cydnerth

Beth mae hyn yn ei olygu i breswylwyr

Cyngor glanach, gwyrddach, gyda buddsoddiad mewn mesurau ynni ar draws adeiladau, lleihau allyriadau carbon a rhyddhau adnoddau ar gyfer gwasanaethau rheng flaen.
Gwell amddiffyniad rhag llifogydd a thywydd eithafol, drwy brosiectau mawr fel Cynllun Rheoli Dŵr Dyffryn Hafren.
Llwybr clir i Sero Net, gyda chefnogaeth Cynllun Gweithredu Hinsawdd a Natur newydd ac arweinyddiaeth bwrpasol y rhaglen.
Cefnogaeth i fusnesau lleol, gan helpu i wella cydnerthedd hinsawdd a diogelu swyddi lleol.

Newid Hinsawdd - Yr Argyfwng Hinsawdd

Cynllunio Seiliedig ar Le

Mae Cynllunio Seiliedig ar Le yn dod â chymunedau, gwasanaethau a seilwaith ynghyd i ddylunio atebion lleol gwell yn seiliedig ar anghenion unigryw pob ardal.

Beth mae hyn yn ei olygu i gymunedau

Gwell ymgysylltu â'r gymuned, gyda phob ardal leol yn cael ei chefnogi gan gyfathrebu cryfach a mannau ar-lein pwrpasol.
Trefi a phentrefi wedi'u cysylltu'n well, trwy rwydweithiau trafnidiaeth gyhoeddus wedi'u hailgynllunio ac opsiynau teithio newydd sy'n ymateb i'r galw.
Cefnogaeth i grwpiau cymunedol, gan gynnwys cyllid i helpu sefydliadau lleol i ddarparu gwasanaethau, cefnogi gwirfoddolwyr, ac adeiladu prosiectau lleol newydd.
Cynllunio mwy cydgysylltiedig, lleihau dyblygu ar draws gwasanaethau a gwella sut mae timau'r cyngor yn gweithio gyda thrigolion.

Mynd i'r Afael â Thlodi

Mae'r rhaglen hon yn dwyn ynghyd waith ar draws tai, cyngor ariannol, twf economaidd a chymorth cymunedol i leihau anghydraddoldebau.

Beth mae hyn yn ei olygu i breswylwyr

Mwy o gartrefi fforddiadwy, gyda chartrefi cyngor fforddiadwy newydd, datblygu safleoedd, ac adeiladau wedi'u hailddefnyddio yn creu lleoedd diogel i deuluoedd fyw ynddynt.
Ehangu ar atal digartrefedd, gan gynnwys tîm brysbennu newydd sy'n helpu pobl i gael mynediad at lety sefydlog yn gynt.
Gwell mynediad at gymorth ariannol, gan gynnwys defnydd rhagweithiol o ddata (platfform LIFT) i nodi aelwydydd a allai fod yn colli allan ar gymorth ariannol.
Atebion cryfach, dan arweiniad y gymuned, gyda chefnogaeth cyllid Ffyniant a Rennir ar gyfer prosiectau lleol, canolfannau cynnes, cymorth bwyd, ymgysylltu â phobl ifanc, a mwy.
Grymuso pobl ifanc, gan gynnwys gwaith gan y Tasglu Tlodi Plant i gynnwys pobl ifanc yn uniongyrchol wrth lunio atebion.

Powys Ddigidol

Gwella hygyrchedd, effeithlonrwydd a phrofiad cwsmeriaid trwy arloesi digidol.

Manteision i breswylwyr:

Gwnewch gais am gludiant ysgol, rhyddhad ardrethi busnes, trwyddedau a hysbysiadau digwyddiadau unrhyw bryd, ar-lein
Prosesau cyflymach, symlach gyda llai o waith papur
Gwybodaeth gliriach, fwy cywir
Offer digidol sy'n gwella diogelwch, cydymffurfiaeth ac ansawdd gwasanaeth

Powys Ddigidol

Sut rydym yn monitro cynnydd

Mae goruchwyliaeth effeithiol yn hanfodol i sicrhau Powys gryfach, decach a gwyrddach. Mae'r Portffolio Trawsnewid yn cael ei fonitro trwy fframwaith llywodraethu a sicrwydd cadarn sy'n sicrhau bod rhaglenni'n aros ar y trywydd iawn, yn darparu effaith wirioneddol i drigolion, ac yn darparu tryloywder i aelodau etholedig a'r cyhoedd.

Strwythur Llywodraethu Clir

Mae pob rhaglen o fewn y portffolio yn cael ei goruchwylio gan:

Uwch Swyddog Cyfrifol sy'n atebol am gyflawni
Bwrdd Rhaglen pwrpasol sy'n cyfarfod yn rheolaidd i adolygu'r cynnydd
Mewnbwn gan dimau arbenigol fel Digidol, Tystiolaeth a Mewnwelediad, Cyllid, Adnoddau Dynol a Chyfathrebu

Darperir goruchwyliaeth gyfan y portffolio trwy'r Tîm Arwain Corfforaethol (TAC) a'r Cabinet, gan sicrhau aliniad strategol a pherchnogaeth gorfforaethol gref.

Adrodd chwarterol i'r Cabinet a TAC

Bob chwarter, mae'r Portffolio yn cynhyrchu adroddiad cynhwysfawr ar gyfer y Cabinet a'r TAC, sy'n crynhoi statws y rhaglen, cyflawniadau, risgiau a materion, cyllid a thystiolaeth o effaith ar drigolion.

Mae'r adroddiadau hyn yn sicrhau bod uwch arweinwyr yn cael gwelededd llawn ac yn gallu gwneud penderfyniadau amserol lle bo angen.

Adrodd ar ddiwedd y flwyddyn i'r Cabinet, TAC a'r Panel Craffu ar Gyllid

Rydym yn cyhoeddi Adroddiad Diwedd Blwyddyn cynhwysfawr sy'n adolygu'r cynnydd ar draws y Portffolio Trawsnewid cyfan. Mae'n dwyn ynghyd dystiolaeth o'r holl raglenni, gan grynhoi cyflawniadau, risgiau, gwersi a ddysgwyd, ac unrhyw newidiadau sydd eu hangen ar gyfer y flwyddyn i ddod.

Fel rhan o'r adroddiadau chwarterol a diwedd blwyddyn, mae pob rhaglen yn olrhain:

Arbedion arian parod (gostyngiadau yn y gyllideb)
Arbedion nad ydynt yn ‑ariannu (osgoi costau ac effeithlonrwydd)
Effaith ar werth cymunedol a chymdeithasol