Anogir perchnogion cŵn i gadw cŵn ar dennyn yn ystod y tymor wyna

2 Mawrth 2026

Mae trigolion ac ymwelwyr yn cael eu hatgoffa gan Gyngor Sir Powys o bwysigrwydd cadw cŵn ar dennyn wrth gerdded yng nghefn gwlad yn ystod y tymor wyna.

Bob gwanwyn, mae ffermwyr yn wynebu mwy o risgiau i'w da byw wrth i famogiaid ddod yn arbennig o agored i niwed wrth wyna. Gall hyd yn oed y cŵn mwyaf cyfeillgar sy'n ymddwyn yn dda beri stres, anaf neu farwolaeth i ddafad yn anfwriadol os nad ydynt yn cael eu cadw dan reolaeth gadarn.

Wrth bwysleisio difrifoldeb y mater, dywedodd y Cynghorydd Jackie Charlton, Aelod Cabinet ar gyfer Powys Wyrddach: "Mae'r tymor wyna yn gyfnod hanfodol i'n cymunedau ffermio. Mae'n hanfodol bod perchnogion cŵn yn cadw eu hanifeiliaid anwes ar dennyn o amgylch da byw.

"Gall hyd yn oed y ci mwyaf tawel ddychryn neu anafu defaid, gan achosi trallod, camesgoriad, neu waeth. Trwy weithredu'n gyfrifol, gallwn ni i gyd helpu i amddiffyn anifeiliaid, cefnogi ein ffermwyr, a chynnal y tirweddau hardd y mae gennym y fraint o'u mwynhau."

Mae'r cyngor yn annog pawb sy'n defnyddio hawliau tramwy cyhoeddus i ddilyn y Cod Cefn Gwlad, parchu tir fferm, a chymryd camau syml i atal poenydio da byw - gan gynnwys cadw cŵn ar denyn byr, cadw at lwybrau wedi'u marcio, a sicrhau bod gatiau'n cael eu cau y tu ôl iddynt.