Dweud eich dweud ar Strategaeth Economaidd ddrafft TYFU Powys

2 Mawrth 2026

Gwahoddir pobl Powys i helpu i siapio Strategaeth Economaidd hirdymor newydd ar gyfer Powys, meddai'r cyngor sir.

Mae ymgysylltiad â'r cyhoedd ar ei Strategaeth Economaidd ddrafft TYFU Powys, sy'n nodi gweledigaeth ar gyfer tyfu economi leol gryfach, decach a gwyrddach hyd at 2040 wedi dechrau heddiw (dydd Llun 2 Mawrth).

Mae'r strategaeth ddrafft yn canolbwyntio ar saith sector twf allweddol, gan gynnwys gweithgynhyrchu uwch, ynni, economïau gwledig a sylfaenol, twristiaeth a digwyddiadau, a datblygu sgiliau. Mae hefyd yn rhoi pwyslais cryf ar gynaliadwyedd, gwytnwch, a chreu cyfleoedd â thâl gwell i bobl sy'n byw ac yn gweithio ym Mhowys.

Meddai'r Cynghorydd Glyn Preston, Aelod Cabinet dros Bowys Fwy Ffyniannus: "Mae'r strategaeth hon yn nodi gweledigaeth uchelgeisiol ond ymarferol ar gyfer sut rydym yn tyfu economi Powys mewn ffordd sy'n gweithio i'n cymunedau, ein busnesau a'n hamgylchedd.

Rydym am i hyn gael ei siapio gan bobl Powys, a dyna pam mae'r ymgysylltiad hwn mor bwysig. P'un a ydych chi'n breswylydd, perchennog busnes, neu'n gynrychiolydd cymunedol, rwy'n eich annog i gymryd rhan, a'n helpu i siapio dyfodol ein sir."

Sut i gymryd rhan

Yn ystod y cyfnod ymgysylltu, gall pobl:

• Ddweud eu dweud arlein drwy gwblhau arolwg ar Hwb Ymgysylltu y Cyngor: https://www.dweudeichdweudpowys.cymru/tyfu-powys
• Rhannwch eu barn all-lein, gydag arolygon a gwybodaeth printiedig ar gael ar gais ar draws Llyfrgelloedd Powys. Dychwelwch ffurflenni wedi'u cwblhau at staff y llyfrgell, neu sganiwch ac ebostiwch nhw i haveyoursay@powys.gov.uk
• Siarad â swyddogion mewn cyfres o sesiynau galw heibio a gynhelir ledled Powys:

Dydd Mawrth 10 Mawrth
Llyfrgell Trefaldwyn	10yb - 12yp
Llyfrgell Llanwrtyd	2 - 4.30yp
Llyfrgell Llandrindod	3 - 6yp
Llyfrgell Y Drenewydd	3 - 6yp
Llyfrgell Ystradgynlais	3 - 6yp
Dydd Mercher 11 Mawrth
Llyfrgell Llanandras	1 - 4yp
Llyfrgell Aberhonddu (Y Gaer)	3.30 - 6.30yp
Llyfrgell Llanidloes	3 - 6yp
Llyfrgell Rhaeadr Gwy	3 - 6yp
Dydd Iau 12 Mawrth
Llyfrgell Crughywel	2 - 5yp
Llyfrgell Llanfyllin	2 - 5yp
Llyfrgell Llanfair-ym-Muallt	3 - 6yp
Llyfrgell Y Gelli Gandryll	3 - 6yp
Llyfrgell Y Gelli Gandryll	3 - 6yp
Llyfrgell Llanfair Caereinion	3 - 6yp
Dydd Gwener 13 Mawrth
Llyfrgell Machynlleth	2 - 5yp

Ochr yn ochr â'r ymgysylltiad cyhoeddus ehangach, bydd y Cyngor hefyd yn gweithio'n uniongyrchol gyda Chynghorau Tref a Chymuned, busnesau, partneriaid a sefydliadau cymunedol i sicrhau bod safbwyntiau lleol o bob rhan o Bowys yn helpu i siapio'r strategaeth derfynol.

Y dyddiad cau ar gyfer ymatebion yw dydd Mercher 25^ain Mawrth.

Bydd yr holl adborth a gesglir rhyngddynt yn cael ei ddadansoddi a'i ddefnyddio i fireinio'r strategaeth cyn iddi gael ei chwblhau a'i chyhoeddi.