Dewisiadau cwcis
Toglo gwelededd dewislen symudol

Gallai pensiynwyr Powys fod yn colli budd-daliadau gwerth mwy na £1.6m

An older person looking out of a window

18 Mawrth 2026

An older person looking out of a window
Mae ychydig dros 160 o drigolion Powys i dderbyn llythyr gan y cyngor sir yn awgrymu eu bod yn gwirio a ydyn nhw'n gymwys i dderbyn Credyd Pensiwn.

Mae budd-dal Llywodraeth y DU werth dros £10,000 y flwyddyn ar gyfer person sengl a mwy os yw'n cael ei hawlio gan gwpl. Mae hynny'n gyfystyr â £1.6 miliwn, neu fwy, a allai fod ar goll o bocedi trigolion hŷn Powys.

Gall y rhai sy'n meddwl eu bod yn gymwys, hawlio ar-lein: https://www.gov.uk/pension-credit/how-to-claim Neu, ffonio: 0800 99 1234.

Os na allwch glywed na siarad ar y ffôn: 18001 yna 0800 99 1234 drwy Relay UK.

Gall Tîm Cyngor Sir Powys hefyd helpu gyda'r broses ymgeisio dros y ffôn neu yn bersonol yn un o'i swyddfeydd, rywle arall yn eich ardal leol, neu hyd yn oed eich cartref eich hun.

Gellir defnyddio'r manylion hyn hefyd i ofyn am gyngor ariannol cyfrinachol am ddim ar unrhyw adeg.

"Os ydych chi'n meddwl y gallech fod yn gymwys i gael Credyd Pensiwn, gwnewch gais amdano," meddai'r Cynghorydd Matthew Dorrance, Dirprwy Arweinydd Cyngor Sir Powys ac Aelod Cabinet ar gyfer Powys Decach. "Mae'n daliad a all helpu i ychwanegu at eich incwm, pan fyddwch chi'n cyrraedd oedran pensiwn y wladwriaeth ac yn darparu porth i gymorth a chefnogaeth arall.

"Bydd faint rydych chi'n ei gael yn dibynnu ar werth eich pensiwn y wladwriaeth, incwm arall ac unrhyw gynilion sydd gennych, felly peidiwch â straffaglu 'mlaen hebddo. Gallai wneud y gwahaniaeth i gyd wrth dalu eich biliau a chostau byw dyddiol eraill."

Y cymorth ariannol arall, y gallai hawlio Credyd Pensiwn eich helpu i fod yn gymwys ar gyfer:

  • Taliad Tanwydd y Gaeaf
  • Taliadau Tywydd Oer
  • Trwydded deledu am ddim os ydych chi'n 75 oed neu'n hŷn

Os ydych chi'n cael y rhan Credyd Gwarant o Gredyd Pensiwn, gall hefyd eich helpu i fod yn gymwys i gael cymorth ychwanegol gyda:

  • Costau rhent
  • Talu'r Dreth Gyngor
  • Costau iechyd, megis triniaeth ddeintyddol ac optegol, a thrafnidiaeth i ac o apwyntiadau ysbyty

Os oes gan breswylwyr hŷn anghenion iechyd, anabledd neu ofal hirdymor, efallai y byddant hefyd yn gallu gwneud cais am Lwfans Presenoldeb, y gellir ei ddefnyddio i dalu am gost cymorth personol neu gyflogi rhywun i gwblhau tasgau iddynt o amgylch y cartref.

Mwy o wybodaeth am y Lwfans Presenoldeb: https://www.gov.uk/lwfans-gweini

Mae Cyngor Sir Powys wedi buddsoddi mewn meddalwedd dadansoddi data deallus ers blwyddyn o'r enw LIFT (Low Income Family Tracker), i helpu i adnabod pobl sydd angen help.

Defnyddiwyd hyn i gysylltu â llawer o drigolion dros y 12 mis diwethaf y mae'n credu y gallen nhw fod yn straffaglu'n ariannol neu'n colli allan ar gymorth y mae ganddynt yr hawl i'w dderbyn.

Mae'r cymorth cyfrinachol hwn yn dal i fod ar gael i unrhyw un sydd wedi cysylltu â nhw, neu unrhyw un arall ym Mhowys sy'n wynebu anawsterau ariannol.

Mynnwch help fel tenant y cyngor:

Ar gyfer pob cartref arall:

Rhannwch y dudalen hon