"Sêr y Silffoedd" wedi dychwelyd i ysbrydoli cannoedd o ddarllenwyr ifanc ledled Powys

7 Ebrill 2026

Mae menter ddarllen poblogaidd i blant wedi dychwelyd i Bowys ar ôl llwyddiant y llynedd, gan ysbrydoli cannoedd o bobl ifanc i fwynhau llyfrau, creadigrwydd ac adrodd straeon, meddai'r cyngor sir.

Daeth Sêr y Silffoedd, a ariennir gan Lywodraeth Cymru ac sy'n cael ei gydlynu gan Gyngor Llyfrau Cymru, ag awduron adnabyddus i lyfrgelloedd lleol ar gyfer gweithdai rhyngweithiol, gyda'r rhaglen eleni yn dod i ben ar 31Mawrth.

Mae awduron wedi cynnwys Siôn Tomos Owen, Bardd Plant Cymru presennol, Eloise Williams, Nicola Davies, Laureate Plant presennol Cymru, Jenny Valentine, Lucy Owen a Rhian Cadwaladr i gyd wedi cymryd rhan, gan gyflwyno sesiynau bywiog gyda'r nod o ysbrydoli darllenwyr ac egin awduron rhwng saith a 12 oed.

Mae'r ymateb gan ysgolion a disgyblion wedi bod yn gadarnhaol tu hwnt. Mae mwy na 500 o blant o dros 20 o ysgolion ledled Powys wedi cymryd rhan, ac mae llawer ohonynt yn mwynhau'r cyfle prin i gwrdd ag awduron cyhoeddedig, i ofyn cwestiynau, a dysgu mwy am y broses ysgrifennu.

Dywedodd Nina Davies, Cyfarwyddwr Gwasanaethau Cymdeithasol a Lles Cyngor Sir Powys: "Mae prosiectau fel Sêr y Silffoedd yn chwarae rhan hanfodol i gefnogi lles, hyder a chreadigrwydd plant. Trwy ddod ag awduron i'n llyfrgelloedd a'n cymunedau, rydym yn helpu pobl ifanc i ddatblygu cariad at ddarllen tra hefyd yn cryfhau eu cysylltiad â gwasanaethau lleol sy'n cefnogi dysgu a lles."

Yn ogystal â sbarduno dychymyg a chreadigrwydd, mae'r prosiect wedi annog cannoedd o blant i ymweld â'u llyfrgelloedd lleol, gyda llawer yn camu i mewn am y tro cyntaf.

Mae staff y llyfrgell yn gobeithio y bydd y profiad yn helpu i adeiladu cysylltiadau parhaol ac yn rhoi'r hyder i bobl ifanc ddychwelyd yn rheolaidd.