Diwygio eich Tenantiaeth
Ychwanegu cyd-ddeiliad contract
Fel deiliad contract gallwch ychwanegu person arall fel cyd-ddeiliad contract o dan eich contract meddiannaeth (tenantiaeth), ond mae'n rhaid i chi gael ein caniatâd ni i wneud hyn.
Mae'n debyg na fyddwn yn gwrthod caniatâd yn afresymol, ond gallwn roi caniatâd gydag amodau penodol.
Gellir ychwanegu cyd-ddeiliad contract newydd at y contract presennol drwy lofnodi cytundeb rhwng yr holl gyd-ddeiliaid contract a ninnau.
Pan wneir person yn gyd-ddeiliad contract, mae ganddo hawl i'r holl hawliau a bydd yn ddarostyngedig i holl rwymedigaethau'r contract o'r diwrnod y daw'n gyd-ddeiliad contract.
Os hoffech ychwanegu person fel cyd-ddeiliad contract, lawrlwythwch a llenwch y ffurflen isod a'i dychwelyd drwy e-bost at: housing@powys.gov.uk neu drwy'r post at:
Sganio Tai
Cyngor Sir Powys
Spa Road East
Llandrindod
LD1 5LG
Cais i ychwanegu cyd-ddeiliad contract (PDF) [144KB]
Dileu cyd-ddeiliad contract
Fel cyd-ddeiliad contract, gallwch dynnu'n ôl o'r contract drwy roi o leiaf un mis o rybudd ysgrifenedig i ni.
Caiff cyd-ddeiliad contract adael contract heb i'r contract ddod i ben i'r cyd-ddeiliad(iaid) contract sydd ar ôl.
Rydych chi'n atebol am rwymedigaethau'r contract hyd at ddyddiad diwedd y contract. Ar ôl y dyddiad hwn, bydd gan y cyd-ddeiliad(iaid) contract sydd ar ôl hawl lawn i'r holl hawliau ac mae/maent yn gwbl atebol am rwymedigaethau'r contract.
Rhaid i chi roi copi o'r hysbysiad dileu ysgrifenedig i ddeiliad(iaid) y contract sydd ar ôl.
Cyn gynted ag y byddwn yn derbyn yr hysbysiad, rhaid i ni hefyd hysbysu deiliad(iaid) y contract sydd ar ôl ac anfon copi o'r hysbysiad dileu ato/atynt.
Os hoffech dynnu'n ôl o'ch contract, lawrlwythwch a llenwch y ffurflen isod a'i dychwelyd drwy e-bost at: housing@powys.gov.uk neu drwy'r post at:
Sganio Tai
Cyngor Sir Powys
Spa Road East
Llandrindod
LD1 5LG