Toglo gwelededd dewislen symudol

Gweld yr hysbysiad llawn

Hysbysiad: Bydd llinellau ffôn Treth y Cyngor/Trethi Busnes​​​​​​​ ar gau ddydd Mercher 20 Mawrth

Ffermydd y Sir

Gyda 138 daliad a thir yn estyn hyd at 10,700 erw, Stad Ffermydd Sir Powys yw'r ystâd fwyaf o'i math yng Nghymru, a'r bumed fwyaf ym Mhrydain. 

Stad Ffermydd

Rydym yn cadw'r Stad Ffermydd i ddarparu cyfleoedd i unigolion sefydlu a datblygu busnesau yn seiliedig ar ffermydd mewn ardaloedd gwledig. Mae'r Stad hefyd yn darparu incwm buddsoddi i'r Cyngor Sir trwy greu gwarged gweithredol bob blwyddyn.

Lleolir y mwyafrif o'r daliadau yn Sir Drefaldwyn ond mae sawl ystâd yn Sir Faesyfed a daliadau pellach yn Sir Frycheiniog.

Mae daliadau Ffermydd y Sir yn amrywio o 2 erw i 200 erw. Mae 'daliad' yn cynnwys ffermdy, adeiladau fferm a thir. Unedau magu stoc yw'r mwyafrif o'r daliadau ar hyn o bryd ond mae tua 20 daliad fferm laeth ar y Stad. Yn ychwanegol at hyn, mae sawl tenant wedi datblygu mentrau garddio a bydd y Cyngor Sir yn cefnogi mentrau arallgyfeirio neu 'ychwanegu gwerth' lle mae'r rhain yn addas i'r eiddo.

Caiff tenantiaid eu hannog i ddatblygu ac estyn eu busnesau er mwyn symud i ffermydd mwy naill ai o fewn Stad Ffermydd y Sir neu o fewn y sector preifat.

Caiff y Stad ei rheoli gan dîm mewnol, sy'n ffurfio rhan o wasanaeth Eiddo Corfforaethol y Cyngor.

Gwneud cais am denantiaeth

Mae ffermydd ar osod yn cael eu hysbysebu yn y wasg leol. Lle'n briodol, bydd ffermydd ar osod yn cael eu hysbysebu yn y wasg ffermio genedlaethol (ffermydd mwy fel arfer). Mae manylion y ffermydd sydd i'w rhoi ar osod hefyd yn cael eu hanfon at y sawl sydd ar y rhestr bostio.

Gellir cael rhagor o fanylion a'r manylion llawn am £10 y daliad. Fel arfer, bydd diwrnod gweld penodol lle gall darpar ymgeiswyr edrych ar y fferm, gweld y cyfleusterau a thrafod unrhyw faterion y dymunant eu codi gyda'r Asiant Tir.

Yn dilyn y diwrnod gweld penodol, bydd gan ymgeiswyr gyfnod o amser i lenwi a chyflwyno cais a ffurflenni tendro. Yn y ffurflen gais, bydd angen nodi eich cynigion ar gyfer yr eiddo, nodi manylion am brofiad a hyfforddiant busnes perthnasol, a chadarnhau eich sefyllfa ariannol. Rhaid i ymgeiswyr ddangos fod ganddynt ddigon o wybodaeth trwy brofiad am y fenter arfaethedig a bod ganddynt ddigon o adnoddau ariannol i ddatblygu'r busnes.

Bydd daliadau fel arfer yn cael eu gosod ar dendr a rhoddir amcan o'r rhent ym manylion yr eiddo ar osod. Bydd y rhent fydd yn cael ei dendro yn un o sawl ffactor a ystyrir gan y Cyngor Sir pan fyddwn yn asesu'r ceisiadau. Bydd rhestr fer o ymgeiswyr yn cael ei llunio ac yna bydd gofyn i'r ymgeiswyr ar y rhestr fer gyflwyno cynllun busnes manwl. Bydd yr Asiant Tir fel arfer yn dymuno cwrdd â'r ymgeiswyr ar y rhestr fer yn eu cartrefi.

Lleoliadau'r Stad

Sir Frycheiniog

  • Cefn Cantref
  • Talachddu
  • Llangynidr

 

Sir Drefaldwyn

  • Aberhafesb
  • Abermiwl
  • Adfa
  • Arddlin
  • Aberriw
  • Betws
  • Caersws
  • Cemais
  • Yr Ystog
  • Ffordun
  • Llandysilio
  • Garthmyl
  • Cegidfa
  • Ceri
  • Tre'r-llai
  • Llanfechain
  • Llanfyllin
  • Llansilin
  • Meifod
  • Trefaldwyn
  • Penstrowed
  • Cei'r Trallwng
  • Sarn

 

Sir Faesyfed

  • Burlingjobb
  • Bleddfa
  • Y Clas-ar-Wy
  • Glanyrafon
  • Tref-y-Clawdd
  • Llanddewifach
  • Llanfaredd

Fferm i'w Gosod - Argoed, Berriew
Argoed Berriew Farm

Uned tir glas yn cynnwys ffermdy 3 ystafell wely, adeiladau fferm ac iardiau a rhyw 69 erw o dir. I'w osod dan Denantiaeth Busnes Fferm o Fai 2024 am dymor, sy'n dod i ben fis Mawrth 2033.

Dylai ymgeiswyr fel arfer fod ag o leiaf pum mlynedd o brofiad ffermio ymarferol (a allai gynnwys hyd at dair blynedd a dreuliwyd mewn Prifysgol neu Goleg yn dilyn cymhwyster amaethyddol perthnasol) a dylent fod yn bwriadu dilyn gyrfa mewn amaethyddiaeth.

YMWELD TRWY DREFNIANT YN UNIG.

Dylid gwneud ceisiadau am fanlynion cyn 2 Chwefror 2024 (gydag enw llawn, cyfeiriad a rhif ffôn) drwy e-bost i county.farms@powys.gov.uk.
Bydd manylion sy'n cael eu hanfon trwy'r e-bost ar gael am ddim. Byddwn yn codi £15 am anfon copïau papur.
Ffôn: (01686) 611 812
E-bost: county.farms@powys.gov.uk

Bydd angen i ymgeiswyr feddu ar y canlynol:

  • Brwdfrydedd ac ymroddiad i'r diwydiant amaethyddol
  • Digon o adnoddau ariannol
  • Cefndir profedig mewn ffermio gyda phrofiad ymarferol a dealltwriaeth drylwyr o reoli busnes fferm
  • Ymagwedd flaengar ac arloesol tuag at amaethyddiaeth a'r gallu i fanteisio ar gyfleoedd busnes ehangach.

Derbyn hysbysiad trwy neges e-bost am y ffermydd a fydd ar gael i'w rhentu cyn bo hir neu os ydych am:

dderbyn manylion eiddo llenwch y ffurflen hon Gofyn am fanylion (Ffermydd Sirol)

Cysylltiadau

  • Ebost: county.farms@powys.gov.uk
  • Rhif ffôn:: 01686 611812
  • Cyfeiriad: Fferm y Sir, Kirkhamsfield, Y Drenewydd, Powys, SY16 3AF

Rhowch sylwadau am dudalen yma