Strategaeth Trawsnewid Addysg

Yn dilyn etholiadau'r Cyngor Sir a gynhaliwyd ym mis Mai 2022, mae'r Cyngor wedi adolygu a diweddaru ei Straegaeth ar gyfer Trawsnewid Addysg, ac wedi cyhoeddi Rhaglen Waith ar gyfer Ton 2 y rhaglen, a fydd yn rhedeg o 2022 i 2027.

Mae'r rhain ar gael isod:

Lansiwyd y Strategaeth yn wreiddiol yn Ebrill 2020 yn dilyn cyfnod o ymgysylltu ego rhanddeiliaid a gynhaliwyd mewn ymateb i arolwg Estyn o Wasanaethau Addysg Powys yn 2019.

Mae'r strategaeth uchelgeisiol i drawsnewid addysg ym Mhowys yn cynnwys gweledigaeth ac egwyddorion arweiniol, ac mae'n gosod blaenoriaethau'r cyngor dros y deng mlynedd nesaf, a fydd yn canolbwyntiio ar bedwar nod strategol:

Gwella hawl a phrofiad y dysgwr
Gwella hawl a phrofiad dysgwyr ol-16
Gwella mynediad i ddarpariaeth cyfrwng Cymraeg ar draws yr holl gyfnodau allweddol
Gwella'r ddarpariaeth ar gyfer dysgwyr gydag anghenion addysg arbennig / anghenion dysgu ychwanegol.

Mae'r strategaeth hefyd yn cynnwys ymrwymiad i raglen buddsoddi cyfalaf er mwyn sicrhau bod adeiladau cynaliadwy amgylcheddol, ysbrydoledig ar gael i ysgolion ym Mhowys sy'n gallu darparu cyfleoedd ar gyfer gweithgareddau i'r gymuned ehangach.

Cefndir i ddatblygu'r Strategaeth

Yn ystod tymor yr hydref 2019, fe wnaeth y Cyngor gynnal adolygiad strategol o addysg ym Mhowys, mewn ymateb i bryderon a godwyd yn ystod arolwg Estyn o Wasanaethau Addysg Powys.

Yn ystod tymor yr Hydref 2019 a thymor y gwanwyn 2020, bu'r cyngor wrthi'n cynnal dau gyfnod ymgysylltu fel rhan o'i Adolygiad Strategol o Addysg ym Mhowys.

Cam 1

Yn ystod tymor yr hydref 2019, bu'r cyngor yn ymgysylltu â nifer o randdeiliaid, gan gynnwys penaethiaid, llywodraethwyr, staff ysgolion, cynghorwyr sir, staff y Gwasanaeth Addysg a chynghorau tref a chymuned, i nodi'r heriau sy'n wynebu addysg ym Mhowys. Roedd yr ymarfer ymgysylltu yn cynnwys rhannu data am seilwaith ysgolion Powys.

I weld y data diweddaraf, dilynwch y ddolen hon.

Mae'r dogfennau isod yn cynnwys canfyddiadau'r gwaith ymgysylltu a wnaed dros dymor yr Hydref:

Yn seiliedig ar y canfyddiadau hyn, mae'r cyngor wedi paratoi dogfen Achos dros Newid sy'n nodi'r prif heriau i wynebu addysg yn y sir. Mae'r ddogfen yma isod:

Achos dros Newid (PDF) [3MB]

Ystyriwyd a chymeradwywyd y dogfennau hyn a dogfen ddrafft yn amlinellu'r weledigaeth ar gyfer addysg ym Mhowys gan Gabinet y cyngor ym mis Ionawr 2020, a chymeradwyodd y Cabinet rhagor o waith ymgysylltu ar y ddogfen weledigaeth.

Cam 2

Rhwng Chwefror a Mawrth 2020, cynhaliodd y cyngor ail gyfnod o ymgysylltu ar ei weledigaeth oedd yn esblygu ac egwyddorion arweiniol ar gyfer addysg ym Mhowys. Roedd y cyfnod ymgysylltu hwn yn seiliedig ar y ddogfen ganlynol:

Dadansoddwyd yr ymatebion yn ystod y cyfnod ymgysylltu a lluniwyd adroddiad ymgysylltu sy'n crynhoi'r ymatebion. Mae hwn ar gael isod:

Adroddiad Ymgysylltu - Cam 2

Diweddarwyd y ddogfen 'Gweledigaeth ar gyfer Addysg' yn seiliedig ar yr adborth a dderbyniwyd, ac esblygwyd i greu'r ddogfen 'Strategaeth ar gyfer Trawsnewid Addysg ym Mhowys 2020-2030'.

Cafodd y Strategaeth ei gymeradwyo gan Arweinydd y Cyngor trwy Benderfyniad wedi'i Ddirprwyo yn Ebrill 2020.