Peilot Cofrestru Awtomatig

Mae Llywodraeth Cymru wedi cyflwyno Cofrestru Pleidleiswyr yn Awtomatig.  Mae Powys yn un o bedwar awdurdod lleol ar draws Cymru sy'n cymryd rhan mewn cynlluniau peilot i gofrestru pleidleiswyr yn awtomatig, gan helpu i wneud y broses o gymryd rhan mewn democratiaeth yn fwy hygyrch a chynhwysol.

Defnyddir y data i adnabod pleidleiswyr cymwys a'u cofrestru'n awtomatig ar gyfer etholiadau'r Senedd ac etholiadau lleol yng Nghymru, gan ei gwneud y genedl ddatganoledig gyntaf yn y DU i dreialu cofrestru pleidleiswyr yn awtomatig.  Bydd darpar etholwyr a chaiff eu hadnabod drwy'r peilot yn derbyn llythyrau yn eu hysbysu ac yn esbonio'r broses a'u hopsiynau.

Mae hyn ar gyfer etholiadau'r Senedd a Lleol YN UNIG.

Ydych chi'n gymwys i bleidleisio yn etholiadau'r Senedd a llywodraeth leol

• Rydych yn 16 oed o leiaf (ond gallwch gofrestru os ydych chi'n 14 oed o leiaf).
• Rydych chi'n byw yng Nghymru.
• Rydych chi'n ddinesydd Prydeinig. Gwyddelig neu'r UE, yn ddinesydd cymwys y Gymanwlad, neu'n ddinesydd tramor cymwys.

Bydd angen i chi ddal gofrestru ar wahân ar gyfer mathau eraill o etholiadau, gan gynnwys etholiadau Seneddol y DU a Chomisiynydd yr Heddlu a Throseddu. Byddem yn eich annog i fynd i Cofrestru i bleidleisio - GOV.UK cyn gynted â phosibl.

Trwy gwblhau cais ar-lein, byddwch:

• wedi eich cofrestru i bleidleisio ar gyfer pob etholiad sydd gennych hawl i wneud hynny;
• yn ymddangos ar y gofrestr etholiadol yn gynt;
• yn gallu pleidleisio mewn unrhyw is-etholiadau a allai ddigwydd cyn cofrestru'n awtomatig, ar yr amod bod eich cais yn cael ei wneud 12 diwrnod gwaith cyn yr isetholiad; ac
• yn rhoi stop ar unrhyw ohebiaeth bellach yn gofyn i chi gofrestru i bleidleisio ar gyfer etholiadau Seneddol y DU a CSP.

Gall eich statws credyd gael ei effeithio trwy beidio â chael eich cynnwys ar gofrestr etholwyr.