Trawsnewid Trefi

Grant Creu Lleoedd Trawsnewid Trefi 2025-2027

Bydd cyllid Grant Creu Lleoedd Llywodraeth Cymru ar gyfer rhanbarth canolbarth Cymru yn rhoi buddsoddiad cyfalaf o £4 miliwn i helpu i adfywio canol trefi Powys a Cheredigion dros y tair blynedd nesaf.

Mae Canol Trefi: datganiad sefyllfa (Mai 2023) Llywodraeth Cymru yn nodi'r polisi a'r ystod o gefnogaeth ar gyfer adfywio canol ein trefi.

Mae'r rhaglen Trawsnewid Trefi yn bartneriaeth rhwng Cyngor Sir Powys, Cyngor Sir Ceredigion, a Llywodraeth Cymru, a'i nod yw ail-ddychmygu ac ail-greu adeiladau a mannau agored i greu canol trefi gwydn a ffyniannus.

Mae'r Grant Creu Lleoedd Trawsnewid Trefi yn darparu cyllid cyfalaf i fusnesau lleol, mentrau cymdeithasol a chyrff cyhoeddus i alluogi rhaglen eang a hyblyg o gefnogaeth ar gyfer ystod eang o brosiectau a all helpu i adfywio canol trefi ledled canolbarth Cymru. Gall y math o brosiectau gynnwys datblygiadau seilwaith gwyrdd, gwelliannau mewn mannau cyhoeddus, gosod seilwaith digidol yng nghanol trefi, i welliannau eiddo masnachol ac eiddo preswyl mewnol ac allanol a llawer mwy.

Bydd angen i brosiectau posibl fodloni meini prawf cymhwysedd a fydd yn cynnwys dangos cysylltiadau clir â Chynllun Bro Tref cyfredol, Creu Lleoedd neu Strategaeth Canol Trefi. Hefyd, bydd angen i brosiectau posibl fodloni meini prawf y Fframwaith Grant Creu Lleoedd Trawsnewid Trefi.

Gall ymgeiswyr drafod prosiectau posibl gyda'u swyddog prosiect lleol a all gynghori a allai'r prosiect fod yn gymwys a helpu gyda'r broses mynegi diddordeb.

I gael gwybodaeth bellach am y Rhaglen Grant Trawsnewid Trefi, cysylltwch â:

E-bost: Regeneration@powys.gov.uk

Ffôn: 01597 827656

Dogfennau:

Canllawiau Caffael Cyngor Sir Powys - Caffael a chytundebau

Gellir dod o hyd i wybodaeth bellach ynghylch brandio a chanllawiau ar y ddogfen ganlynol: Trawsnewid Trefi: canllawiau cyhoeddusrwydd a brandio | LLYW.CYMRU

Arian Cyfatebol trwy Fenthyciad i Landlordiaid.

Mae Cyngor Sir Powys yn cyflwyno'r cynnyrch hwn ledled y sir yn amodol ar gyllid. Gall y cynllun benthyciadau helpu i ariannu datblygiad eiddo preswyl (ar gyfer gosodiadau domestig yn unig).

Gellir cynnwys benthyciad i landlordiaid i helpu i lunio'r pecyn cyllido ar gyfer cais am Grant Trefi Trawsnewid. Mae manylion pellach ynghylch cynllun benthyciadau'r sector preifat ar gael gan Dîm Tai Cyngor Sir Powys.

I gael gwybodaeth bellach ynghylch y Cynllun Benthyciad i Landlordiaid, cysylltwch â:

Ebost: neu privatesectorhousing@powys.gov.uk

Ffôn: 01597 827464

Cyngor i Denantiaid a Landlordiaid