Diwrnodau casglu newydd

Mae diwrnodau ailgylchu a chasglu gwastraff yn newid ym mis Mawrth 2026

Bydd gan y rhan fwyaf o gartrefi ym Mhowys ddiwrnod casglu gwastraff ac ailgylchu newydd gan ddechrau ddydd Llun 2 Mawrth 2026.

Bydd Cyngor Sir Powys yn cyflwyno llwybrau casglu newydd a gwell er mwyn gwneud y gwasanaeth ailgylchu a gwastraff yn fwy effeithlon. Mae'r newidiadau hyn yn golygu y bydd diwrnod casglu newydd gan lawer o aelwydydd. Bydd preswylwyr yn derbyn llythyr drwy'r post yn cadarnhau eu diwrnod casglu newydd cyn i'r newid ddigwydd.

Yr hyn sydd angen i chi ei wybod:

Mae dyddiau casglu newydd yn dechrau ar: Ddydd Llun 2 Mawrth 2026
Gwastraff Bwyd ac Ailgylchu: Casgliad wythnosol
Gwastraff na ellir ei ailgylchu: Casgliad bob tair wythnos
Rhowch eich ailgylchu a'ch gwastraff allan erbyn 7.30am ar eich diwrnod casglu

Cwestiynau a ofynnir yn aml:

Pryd mae'r dyddiau casglu yn newid?

Byddwn yn dechrau casglu eich ailgylchu a'ch gwastraff ar eich diwrnod casglu newydd o ddydd Llun 2 Mawrth 2026. Rhowch eich cynwysyddion yn eich pwynt casglu cyn 7.30am ar eich diwrnod casglu, gan sicrhau nad ydynt yn blocio'r palmant na'r stryd. Gall y llwybrau newydd olygu ein bod yn casglu eich ailgylchu a'ch gwastraff o'ch cartref ar adeg wahanol o'r dydd nag o'r blaen.

Pam mae fy niwrnod casglu yn newid?

Mae casglu ailgylchu a gwastraff o fwy na 69,000 o gartrefi ar draws 2,000 milltir sgwâr yn heriol. Rydym yn adolygu ein llwybrau casglu yn rheolaidd i wella effeithlonrwydd, lleihau allyriadau carbon a lleihau costau.

Pan fyddwn yn creu neu'n adolygu ein llwybrau casglu, rydym yn edrych ar lawer o ffactorau. Mae'r rhain yn cynnwys lle mae cartrefi newydd yn cael eu hadeiladu, newidiadau a wnaed i ffyrdd, cerbydau newydd neu uwchraddio, newidiadau i gyfreithiau amgylcheddol, pwysau ar gyllideb y cyngor, a sut mae ein gwasanaeth yn effeithio ar allyriadau carbon.

Oherwydd hyn, rydym wedi newid y diwrnodau casglu ar gyfer rhai cartrefi.

Pam nad yw fy niwrnod casglu wedi newid?

Mae'r criwiau a'r cerbydau wedi'u lleoli mewn tri lleoliad yn y sir: Aberhonddu, Rhaeadr Gwy ac Aber-miwl. O'r mannau cychwyn hyn, mae'r llwybrau casglu newydd wedi'u creu gan ddefnyddio meddalwedd optimeiddio llwybrau arbenigol a phrofiad ein timau gweithredu. I rai trigolion, mae'r llwybrau newydd wedi'u trefnu i gasglu ar yr un diwrnod ag o'r blaen, felly nid oes unrhyw newid i'w diwrnod casglu.

Mae'r dyddiad casglu cyntaf a restrir yn fy llythyr (wedi'i nodi fel "dyddiad gwreiddiol olaf") ar gyfer pryd y byddwch chi'n casglu fy min olwynion du (neu sachau porffor) yn anghywir. A yw hyn yn golygu bod y tri dyddiad newydd canlynol a restrir hefyd yn anghywir?

Ar gyfer nifer fach o aelwydydd, mae'r wybodaeth sydd gennym ar ein system ar hyn o bryd yn anghywir. Fodd bynnag, hyd yn oed os ydym wedi nodi'r dyddiad cyntaf a restrir yn eich llythyr yn anghywir, bydd yr holl ddyddiadau casglu newydd - hynny yw, y tri dyddiad olaf ar y rhestr - yn parhau i fod yn gywir.

Yn ôl y rhestr yn fy llythyr, mae mwy na thair wythnos rhwng dyddiad olaf fy niwrnod casglu gwreiddiol a dyddiad cyntaf fy niwrnod casglu newydd ar gyfer pryd y byddwch chi'n casglu fy min olwynion du (neu sachau porffor). Pam hynny?

Mae gweithio allan yr holl lwybrau newydd a diwrnodau casglu yn gymhleth. Mewn rhai achosion, bydd bwlch o fwy na thair wythnos rhwng eich casgliad olaf ar yr hen ddiwrnod a'ch casgliad cyntaf ar y diwrnod newydd, cyn i'r amserlen tair wythnos arferol ddechrau eto.

Er mwyn sicrhau eich bod yn gallu parhau i roi'r un faint o wastraff na ellir ei ailgylchu yn ystod y newid hwn:

os yw'r bwlch rhwng y casgliad olaf ar eich diwrnod casglu gwreiddiol a'r casgliad cyntaf ar eich diwrnod casglu newydd yn bedair wythnos, byddwn yn casglu bag ychwanegol neu sach borffor o wastraff na ellir ei ailgylchu o'ch cartref ar eich diwrnod casglu newydd cyntaf, ac
Os yw'r bwlch rhwng y casgliad olaf ar eich diwrnod casglu gwreiddiol a'r casgliad cyntaf ar eich diwrnod casglu newydd yn fwy na phedair wythnos, byddwn yn darparu casgliad ychwanegol untro. Bydd y dyddiad hwn yn cael ei nodi ar y llythyr a anfonwn atoch.

Bydd gwybodaeth benodol am y dyddiadau casglu ar gyfer eich cartref yn cael ei chynnwys yn y llythyr a anfonwn atoch. Gallwch hefyd wirio diwrnod a dyddiadau eich casglu ar unrhyw adeg ar-lein: Diwrnod casglu biniau

Yn ôl y rhestr o ddyddiadau casglu yn y dyfodol yn fy llythyr, mae llai na thair wythnos rhwng y dyddiad cyntaf a'r ail ddyddiad a restrir yn fy llythyr. A yw hyn yn golygu y byddwch chi'n casglu fy min olwynion du (neu sachau porffor) yn amlach na phob tair wythnos?

Na, byddwn yn parhau i gasglu biniau olwynion du (neu sachau porffor) bob tair wythnos. Fodd bynnag, mae newid i'r llwybrau newydd a'r diwrnodau casglu yn gymhleth. Mewn nifer fach o achosion, efallai y bydd gan rai cartrefi ddau gasgliad yn agos at ei gilydd cyn dychwelyd i'r amserlen tair wythnos arferol.

Mae fy llythyr yn rhestru dim ond ychydig o ddyddiadau casglu newydd ar gyfer fy min olwynion du (neu sachau porffor). Ble alla i wirio am fwy o ddyddiadau?

Gallwch wirio diwrnod a dyddiadau eich casglu ar unrhyw adeg ar-lein: Diwrnod casglu biniau

A fydd fy ailgylchu yn parhau i gael ei gasglu bob wythnos?

Bydd, byddwn yn parhau i gasglu ailgylchu bob wythnos, ond cofiwch ei roi allan i'w gasglu ar eich diwrnod casglu newydd.

A fyddwch chi'n casglu fy ailgylchu a'm gwastraff ar yr un adeg o'r dydd ag o'r blaen?

Mae'n bwysig sicrhau eich bod yn gosod eich cynwysyddion ailgylchu a gwastraff yn eich pwynt casglu cyn 7.30am ar eich diwrnod casglu. Mae'n bosibl y bydd y llwybrau newydd yn golygu ein bod yn casglu eich ailgylchu a gwastraff o'ch cartref ar amser o'r dydd sy'n wahanol i'r arfer.

A fydd y diwrnod casglu ar gyfer fy ngwastraff gardd yn newid?

Byddwn yn cadarnhau diwrnodau casglu gwastraff gardd pan fydd cwsmeriaid yn cofrestru ar gyfer tymor newydd 2026: Casglu gwastraff o'r ardd

Mae gen i gasgliad â chymorth. A fydd y newidiadau yn effeithio arnaf?

Os byddwch yn derbyn casgliadau â chymorth, bydd y trefniadau hyn yn aros yr un fath. Bydd angen i chi gofio cael eich cynwysyddion ailgylchu a gwastraff yn barod erbyn 7.30am ar eich diwrnod casglu newydd er mwyn i ni eu casglu.

A fydd angen llai o staff arnoch gyda'r diwrnodau casglu newydd hyn?

Na, byddwn yn parhau i ddefnyddio holl staff presennol Cyngor Sir Powys pan fydd y llwybrau a'r diwrnodau casglu newydd yn cael eu cyflwyno. Fodd bynnag, trwy weithio'n fwy effeithlon, rydym yn gobeithio lleihau'r angen am staff asiantaeth yn y dyfodol.

A fydd y newid hwn yn helpu i leihau allyriadau carbon?

Bydd, mae'r newid hwn yn golygu y gallwn ddefnyddio llai o gerbydau a gyrru llai o filltiroedd rhwng casgliadau. O ganlyniad, bydd allyriadau carbon yn cael eu lleihau, gan helpu'r cyngor i symud yn agosach at ein nod o ddyfod yn garbon niwtral.

Ble alla i gael rhagor o wybodaeth am y newid hwn?

Am ragor o wybodaeth, ewch i Diwrnod casglu biniau neu e-bostiwch waste.awareness@powys.gov.uk