Cabinet i ystyried adroddiad gwrthwynebiadau Ysgol Llangedwyn
![Image of a primary school classroom](/image/10715/Image-of-a-primary-school-classroom/standard.jpg?m=1593098137943)
21 Chwefror 2024
![Image of a primary school classroom](/image/10715/Image-of-a-primary-school-classroom/gi-responsive__100.jpg?m=1593098137943)
Mae Cyngor Sir Powys yn cynnig cau Ysgol yr Eglwys yng Nghymru Llangedwyn a'r mis diwethaf (mis Ionawr) cyhoeddwyd hysbysiad statudol ffurfiol sy'n cynnig y newid.
Yn ystod y cyfnod rhybudd statudol, derbyniwyd 16 gwrthwynebiad.
Ddydd Mawrth, 27 Chwefror, bydd y Cabinet yn derbyn ac yn ystyried yr adroddiad gwrthwynebiadau, a bydd yn derbyn cais i gymeradwyo'r cynnig i gau Ysgol yr Eglwys yng Nghymru Llangedwyn o 31 Awst 2024, gyda'r disgyblion yn trosglwyddo i Ysgol yr Eglwys yng Nghymru Llanfechain.
Dywed y Cyng. Pete Roberts, Aelod y Cabinet ar gyfer Powys sy'n Dysgu: "Ar ôl ystyried y gwrthwynebiadau'n ofalus, yr argymhelliad fydd yn cael ei ystyried gan y Cabinet yw cymeradwyo'r cynnig i gau Ysgol yr Eglwys yng Nghymru Llangedwyn.
Byddai'r cynnig yn mynd i'r afael â'r broblem o ran niferoedd isel yn Ysgol yr Eglwys yng Nghymru Llangedwyn a byddai hefyd yn lleihau capasiti lleoedd gwag y cyngor mewn ysgolion cynradd."
I ddarllen Strategaeth y cyngor ar Drawsnewid Addysg 2020-2032 ac i weld manylion y Rhaglen Trawsnewid Addysg - Ton 2 (2022 - 2027) ewch i Trawsnewid Addysg