Casgliadau ailgylchu a gwastraff dros y Nadolig

11 Rhagfyr 2024

Bellach, mae'r diwrnodau casglu gwastraff ac ailgylchu diwygiedig dros y Nadolig a'r Flwyddyn Newydd wedi cael eu cadarnhau.

Bydd ein criwiau gwastraff ac ailgylchu yn treulio gwyliau banc y Nadolig a'r Flwyddyn Newydd gyda ffrindiau a theulu, sy'n golygu y bydd newid i'r diwrnodau casglu arferol dros gyfnod y Nadolig.

Ni fydd casgliadau ar Ddydd Nadolig, Gŵyl San Steffan na Dydd Calan.

Wythnos Nadolig

Bydd y diwrnodau casglu ar gyfer hanner cyntaf wythnos y Nadolig (tan ddydd Mercher 25 Rhagfyr) un diwrnod yn gynt na'r arfer. Bydd y casgliadau ar gyfer ail hanner yr wythnos (o ddydd Iau 26 Rhagfyr) un diwrnod yn hwyrach na'r arfer, gyda chriwiau'n gweithio ar ddydd Sul 22 Rhagfyr a dydd Sadwrn 28 Rhagfyr.

Diwrnod casglu arferol	Diwrnod casglu arfaethedig
Llun 23 Rhag	Sul 22 Rhag
Maw 24 Rhag	Llu 23 Rhag
Mer 25 Rhag	Maw 24 Rhag
Iau 26 Rhag	Gwe 27 Rhag
Gwe 27 Rhag	Sad 28 Rhag

 

Wythnos y Flwyddyn Newydd

Ni fydd unrhyw newid i gasgliadau yn ystod y ddau ddiwrnod cyntaf o wythnos y Flwyddyn Newydd, gyda chasgliadau un diwrnod yn hwyrach na'r arfer o 1 Ionawr, gyda chriwiau'n weather ddydd Sadwrn 4 Ionawr.

Diwrnod casglu arferol	Diwrnod casglu arfaethedig
Llu 30 Rhag	Llu 30 Rhag
Maw 31 Rhag	Maw 31 Rhag
Mer 1 Ion	Iau 2 Ion
Iau 2 Ion	Gw 3 Ion
Gwe 3 Ion	Sad 4 Ion

 

Byddwn yn gwneud ein gorau glas i gwblhau'r holl gasgliadau, yn ôl y bwriad, fodd bynnag, os nad ydych wedi derbyn casgliad erbyn 5pm, edrychwch ar-lein am ddiweddariad - (https://cy.powys.gov.uk/Diwrnodcasglubiniau).

Bydd holl Ganolfannau Ailgylchu Gwastraff Cartrefi ar gau ar Ddydd Nadolig (25 Rhagfyr), Gŵyl San Steffan (26 Rhagfyr) a Dydd Calan (1 Ionawr). Bydd canolfannau ar agor fel arfer ar adegau eraill, gwiriwch ar-lein am fanylion llawn yr amseroedd agor arferol - https://cy.powys.gov.uk/sbwrielacailgylchu

"Gyda chasgliadau wedi'u trefnu drwy gydol y Nadolig, rydym yn annog aelwydydd i ddefnyddio'r gwasanaeth ac arbed, ailddefnyddio ac ailgylchu cymaint o'u gwastraff o'r cartref â phosib." Eglurodd y Cynghorydd Jackie Charlton, Aelod Cabinet ar gyfer Powys Wyrddach.

"Rydym i gyd yn cynhyrchu mwy o wastraff nag arfer dros y Nadolig a'r Flwyddyn Newydd, ond gellir ailgylchu'r rhan fwyaf ohono - ffoil tun, bwyd, jariau gwydr a photeli, coed Nadolig go iawn, cardiau Nadolig plaen a phapur lapio, batris, potiau plastig a photeli - gallwn ni i gyd wneud ein rhan i sicrhau bod cymaint â phosibl yn cael ei ailgylchu."

Edrychwch ar ein gwefan a chadwch lygad ar ein tudalennau cyfryngau cymdeithasol am unrhyw newidiadau i'r gwasanaeth sydd eu hangen oherwydd tywydd gaeafol garw neu unrhyw amgylchiadau eraill nas rhagwelwyd.

Defnyddiwch y gwiriwr diwrnod bin ar-lein i ddod o hyd i'ch dyddiadau casglu diwygiedig dros gyfnod y gwyliau - https://cy.powys.gov.uk/sbwrielacailgylchu