Gallwch gofrestru nawr ar gyfer gwasanaeth casglu gwastraff o'r ardd 2023
14 Chwefror 2023
Gallwch gofrestru am y gwasanaeth hwn ar gyfer tymor 2023 trwy fynd i Casglu gwastraff o'r ardd
Y gost am y flwyddyn fydd £40 sy'n cynnwys llogi bin 240 litr ar olwynion a chasglu eich gwastraff o'r ardd bob pythefnos rhwng 27 Chwefror a 1 Rhagfyr. Gydag ugain o gasgliadau posibl, bydd y gwasanaeth yn costio dim ond £2 ar gyfer pob bin llawn wedi ei gasglu a'i ailgylchu. Mae bin 120 litr ar gael yn rhatach i drigolion sydd â gerddi bach, neu sachau gwastraff o'r ardd y gellir eu compostio i'r rhai ohonoch sy'n gosod eich sbwriel arferol na ellir ei ailgylchu mewn sachau porffor.
Rydym eisoes wedi cysylltu â'r trigolion a ddefnyddiodd y gwasanaeth yn 2022 i'w hatgoffa i gofrestru eto am dymor arall. Pan fyddwch wedi cofrestru ar gyfer tymor 2023, byddwch yn derbyn sticer i'w osod ar y bin gwyrdd ar olwynion i ddangos i'r criw eich bod wedi ailgofrestru.
Os ydych chi'n newydd i'r gwasanaeth, byddwch yn derbyn bin gwyrdd newydd o fewn 10 diwrnod gwaith, felly ewch ati'n gynnar i gofrestru er mwyn elwa o'r gwasanaeth a fydd yn dechrau ar ddiwedd mis Chwefror.
Dywedodd y Cynghorydd Jackie Charlton, Aelod Cabinet ar gyfer Powys Wyrddach: "Rydym i gyd yn edrych ymlaen yn fawr iawn at weld y Gwanwyn yn cyrraedd ac unwaith y bydd y diwrnodau'n dechrau ymestyn a'r tywydd yn troi ychydig yn fwynach, bydd nifer ohonom yn awyddus i fynd allan i'r ardd unwaith eto.
"Mae'r gwasanaeth casglu sy'n costio dim ond £2 y casgliad os bydd pobl yn cofrestru nawr, yn golygu y gallwch fanteisio ar ffordd hawdd, glân a syml o gael gwared ar wastraff o'r ardd, gan wybod y bydd yn cael ei ailgylchu a'i droi'n gompost.
"Nid yn unig y bydd yn golygu na fydd yn rhaid i drigolion rhaid cario'r cyfan yn y car a'i wneud yn fudr, ond mae hefyd yn ffordd gynaliadwy a rhad o ailgylchu eich gwastraff o'r ardd."
Bydd trigolion sydd ddim am fanteisio ar y gwasanaeth yn gallu parhau i gompostio eu gwastraff adref neu ei gludo i un o'r pump canolfan ailgylchu ym Mhowys.
Ar ôl cofrestru ar gyfer tymor 2023, cofiwch wirio eich diwrnod casglu - efallai y bydd wedi newid ers y llynedd: Diwrnod casglu biniau
Rhannu'r dudalen hon
Argraffu
