Maes Blaenoriaeth 1: Cefnogi Busnesau Lleol

Cyflwyniad

Mae cefnogi busnesau lleol yn ganolog i'r Gronfa Ffyniant Gyffredin ym Mhowys. Nod y fenter hon yw cryfhau'r economi leol drwy gynorthwyo busnesau i dyfu, arloesi a llwyddo. Mae'r gronfa'n cynnig cefnogaeth hanfodol i ficrofusnesau, busnesau bach a busnesau canolig eu maint (BBaCh) yn y sir, gan feithrin entrepreneuriaeth a chreu swyddi.

Mae'r ffocws ar fusnesau lleol yn anelu at sbarduno twf economaidd drwy helpu busnesau ym Mhowys i ffynnu, arloesi ac addasu. Gyda dros 95% o fusnesau ym Mhowys yn ficrofusnesau, mae'r flaenoriaeth hon yn ceisio darparu cymorth sydd wedi'i deilwra i wella cynhyrchiant, annog arloesedd, a chreu cyfleoedd am swyddi o ansawdd uchel.

Mae'r prif fentrau'n cynnwys:

Cyllid a Chymorth: Helpu busnesau i ehangu, mabwysiadu technolegau newydd, ac arallgyfeirio i farchnadoedd newydd.
Uwchsgilio ac Arloesi: Darparu mynediad at hyfforddiant ac adnoddau i wella sgiliau'r gweithlu a sbarduno arloesedd.
Gwydnwch ac Adferiad: Cefnogi busnesau i adfer o heriau'r pandemig a pharatoi ar gyfer twf yn y dyfodol.

Drwy feithrin ysbryd entrepreneuriaeth ym Mhowys a chefnogi ei fusnesau, mae'r flaenoriaeth hon yn cyfrannu tuag at economi leol gryfach a mwy gwydn.

Cyllidebau

Dyraniad 2022/23

Blaenoriaeth Buddsoddi - Cefnogi Busnesau Lleol

Dyraniad Cyfalaf £0

Dyraniad Refeniw £1,058,056

Dyraniad 2023/24

Blaenoriaeth Buddsoddi - Cefnogi Busnesau Lleol

Dyraniad Cyfalaf £317,417

Dyraniad Refeniw £1,798,696

Dyraniad 2024/25

Blaenoriaeth Buddsoddi - Cefnogi Busnesau Lleol

Dyraniad Cyfalaf £1,062,641

Dyraniad Refeniw £4,481,574

Dyraniad y Rhaglen

Blaenoriaeth Buddsoddi - Cefnogi Busnesau Lleol

£8,718,385

Noder fod y cyllidebau ar gyfer pob maes blaenoriaeth ar hyn o bryd yn cael eu dangos fel symiau a ddyrannwyd. Unwaith y bydd yr holl ddata wedi'i gasglu, cânt eu diweddaru i adlewyrchu'r gwariant gwirioneddol.

Amcanion

Twf Busnes: Cefnogaeth i fusnesau newydd a phresennol ym Mhowys i'w helpu i dyfu a ffynnu, gan gynnwys cymorth ariannol, trosglwyddo gwybodaeth, a datblygu seilwaith. Mae hyn yn cynnwys grantiau a benthyciadau ar gyfer ehangu busnes, yn ogystal â mentora a gwasanaethau cynghori.
Astudiaethau Dichonoldeb: Cyllid ar gyfer astudiaethau dichonoldeb i archwilio cyfleoedd busnes newydd ac asesu hyfywedd prosiectau posibl ym Mhowys. Mae hyn yn helpu i nodi mentrau addawol ac yn sicrhau bod buddsoddiadau'n cael eu gwneud yn strategol ac yn seiliedig ar wybodaeth gadarn.
Cefnogaeth i Fusnesau Bach a Chanolig (BBaChau): Mentrau i helpu busnesau bach a chanolig ym Mhowys i symud o dwf cynnar i fusnesau canolig cynaliadwy, gan ddarparu cyfleoedd am gyflogaeth sydd â chyflogau uwch. Mae hyn yn cynnwys cymorth i ehangu gweithrediadau, cyrraedd marchnadoedd newydd a gwella cynhyrchiant.
Diogelu rhag Peryglon Naturiol: Grantiau a chymorth i warchod busnesau ym Mhowys rhag peryglon naturiol, megis llifogydd ac erydiad arfordirol, gan sicrhau eu gwydnwch a'u cynaliadwyedd. Mae hyn yn cynnwys cyllid ar gyfer amddiffynfeydd llifogydd, cynllunio o ran argyfyngau a mesurau parhad busnes.
Dyfeisgarwch ac Ymchwil a Datblygu (R&D): Annog buddsoddiad mewn ymchwil a datblygu i sbarduno dyfeisgarwch a chystadleurwydd yn yr economi leol. Mae hyn yn cynnwys cymorth ar gyfer prosiectau cydweithredol rhwng busnesau a sefydliadau ymchwil, yn ogystal â chyllid ar gyfer technolegau a phrosesau newydd.

Prif Gyflawniadau

Disgwylir i'r flaenoriaeth Cefnogi Busnesau Lleol gyflawni:

51 o brosiectau wedi'u cymeradwyo a'u cyflwyno led led Powys
350 o swyddi newydd wedi'u creu drwy grantiau a chynlluniau datblygu busnes.
230 o fusnesau wedi mabwysiadu technolegau newydd, gan wella cynhyrchiant a chystadleurwydd.
Prosiectau ynni cynaliadwy wedi'u lansio, gan leihau ôl troed carbon ac annog mentrau gwyrdd lleol.

Noder fod y cyflawniadau ar gyfer pob maes blaenoriaeth ar hyn o bryd yn cael eu dangos fel amcangyfrifon. Unwaith y bydd yr holl ddata wedi'i gasglu, cânt eu diweddaru i adlewyrchu'r cyflawniadau gwirioneddol.

Astudiaethau Achos

Bydd Astudiaethau Achos y Prosiect yn cael eu lanlwytho ar gyfer y maes blaenoriaeth hwn cyn bo hir.

Fideos Perthynol

EcoDyfi - Tyfu'r Economi Bwyd Lleol

Cryfhaodd prosiect EcoDyfi economi bwyd lleol Biosffer Dyfi trwy gefnogi tyfwyr newydd, hyrwyddo amaethyddiaeth a gefnogir gan y gymuned, ac ehangu cyflenwad cynnyrch lleol. Trwy fentora, compostio ac allgymorth, gwnaeth feithrin system fwyd deg, gynaliadwy a gwydn

Sefydliad Gŵyl y Gelli - Gŵyl y Gelli

Defnyddiodd Sefydliad Gŵyl y Gelli gyllid Cronfa Ffyniant Gyffredin DU i gefnogi Penwythnos y Gaeaf, gan roi hwb i'r economi leol a thwristiaeth. Trwy gyflwyno digwyddiadau o ansawdd uchel ac astudiaeth ddichonoldeb, nod y prosiect oedd sicrhau dyfodol tymor hir yr ŵyl a hyrwyddo'r rhanbarth trwy gydol y flwyddyn.

Rhestr Prosiectau a Gymeradwywyd

Cefnogi Busnesau Lleol - Prosiectau a Gymeradwywyd (PDF, 643 KB)